Mediante Orde do 7 de abril de 2009 (DOG do 16 de abril) foron convocadas as axudas do Programa de consolidación e estruturación de unidades de investigación competitivas do sistema universitario de Galicia para o ano 2009. Estas axudas foron resoltas mediante Orde do 16 de xullo de 2009 (DOG do 23 de xullo). A concesión das axudas fíxose con cargo a fondos propios libres da aplicación orzamentaria correspondente, aínda que o artigo quinto da resolución indica que os pagamentos das anualidades posteriores á primeira poderán realizarse co financiamento do Feder 2007-2013.

Mediante Orde do 17 de decembro de 2010 (DOG do 27 de decembro) fíxose pública a avaliación que daba dereito a recibir a terceira anualidade da axuda. No artigo cuarto desta resolución indícase novamente a posibilidade de que sexan financiados co Feder 2007-2013.

Tendo en conta a distribución entre fondos propios libres e fondos Feder do orzamento da Secretaría Xeral de Universidades para 2011, é preciso, para garantir unha mellor xestión dos recursos dispoñibles, que a terceira anualidade destas axudas conte co financiamento de Feder, nunha proporción do 50%, da que resultarían os seguintes importes.

As terceiras anualidades destas axudas, que corresponden ao exercicio 2011, terán o cofinanciamento do Fondo Europeo de Desenvolvemento Rexional (Feder) 2007-2013, polo que procede dar publicidade a este feito, así como dar a coñecer o importe de cada unha das axudas que proceden do devandito fondo. Por iso, e de conformidade co establecido no artigo 5º da orde de convocatoria, que atribúe á Dirección Xeral de Promoción Científica e Tecnolóxica do SUG (agora Secretaría Xeral de Universidades) a competencia para a instrución do procedemento de concesión das axudas, esta Secretaría Xeral de Universidades

RESOLVE:

Primeiro.-Facer pública a lista de profesores-investigadores do sistema universitario de Galicia beneficiarios das axudas para a consolidación e a estruturación de unidades de investigación competitivas do sistema universitario de Galicia do ano 2009, en réxime de concorrencia competitiva, coa indicación da parte do importe das terceiras anualidades que se financian co Fondo Europeo de Desenvolvemento Rexional (Feder) 2007-2013.

a) Modalidade de agrupacións estratéxicas:

b) Modalidade de grupos emerxentes promovidos por investigadores mozos:

Ver referencia pdf "03200D005P012.PDF"

Os importes da columna Feder están financiados no 80% por fondos Feder e no 20% por fondos da comunidade autónoma que cofinancian os fondos europeos.

Segundo.-Os pagamentos das modalidades de agrupacións estratéxicas e grupos emerxentes faranse mediante libramento único e directo ás universidades. Para poder proceder ao libramento dos fondos será preciso que a universidade correspondente expida, na data límite do 31 de outubro do exercicio correspondente á anualidade de que se trate, a certificación expresiva da realización do gasto e do pagamento acompañada dunha memoria explicativa do logro dos obxectivos de consolidación e estruturación do grupo ou rede. Ademais cando a axuda teña cofinanciamento de Feder, a universidade correspondente deberá presentar nesa mesma data límite os documentos xustificativos dos gastos e dos pagamentos.

En cumprimento da normativa relativa ao Fondo Europeo de Desenvolvemento Rexional, cando a axuda se cofinancie con este tipo de fondos, as universidades deberán manter unha separación contable adecuada para os gastos relacionados coa axuda que facilite a pista de auditoría. Ademais deberán conservar a documentación por un período de tres anos a partir do peche do programa operativo, tal como se define no artigo 89º.3 do Regulamento 1083/2006 do Consello. Os gastos deberán xustificarse con facturas ou documentos contables de valor probatorio equivalente e os pagamentos mediante certificación expedida pola universidade correspondente na que conste a data de pagamento.

Terceiro.-Os pagamentos poderán realizarse co cofinanciamento do Fondo Europeo de Desenvolvemento Rexional (Feder) 2007-2013, polo que os beneficiarios das axudas deberán cumprir os requisitos de publicidade que establece o artigo 8º do Regulamento 1828/2006, do 8 de decembro de 2006, polo que se fixan normas de desenvolvemento para o Regulamento 1083/2006, polo que se establecen as disposicións xerais relativas ao Fondo Europeo de Desenvolvemento Rexional, ao Fondo Social Europeo e ao Fondo de Cohesión, e ao Regulamento 1080/2006 relativo ao Fondo Europeo de Desenvolvemento Rexional, así como cumprir os requisitos de xustificación que estableza esa mesma normativa.

Cuarto.-Contra esta disposición, que non esgota a vía administrativa, os interesados poderán interpoñer recurso potestativo de reposición ante o conselleiro de Educación e Ordenación Universitaria no prazo dun mes a partir do día seguinte ao da publicación da resolución no Diario Oficial de Galicia, segundo o disposto nos artigos 114º e 115º da Lei 30/1992, do 26 de novembro, de réxime xurídico das administracións públicas e do procedemento administrativo común.

Disposición derradeira

Esta resolución entrará en vigor o mesmo día da súa publicación no Diario Oficial de Galicia.

Santiago de Compostela, 3 de febreiro de 2011.

José Alberto Díez de Castro

Secretario xeral de Universidades

Ver referencia pdf "03200D005P012.PDF"