A directora da Axencia de Protección da Legalidade Urbanística ditou, con data do 29 de novembro de 2010, resolución pola que se impón unha primeira multa coercitiva a Galiaudio, S.L. como consecuencia de incumprir o ordenado na Resolución do 15 de decembro de 2000 (expediente 71.12/99) de proceder á restitución das cousas e a súa reposición ao estado anterior á comisión da infracción consistente na realización dentro da zona de servidume de protección do dominio público marítimo terrestre, de cambio de cuberta con aumento de volume e aproveitamento de baixocuberta, no lugar de Lourido, concello de Poio.

Ao non poder realizarse a notificación persoal daquela resolución, mediante esta cédula, e ao abeiro do disposto no artigo 59º.5 da Lei 30/1992, de réxime xurídico das administracións públicas e do procedemento administrativo común (LRXPAC), notifícaselle ao interesado a devandita resolución.

Tendo en conta que, en atención ao previsto no artigo 61º da LRXPAC, o acto non se publica na súa integridade, fáiselle saber ao interesado que o texto íntegro da resolución que se notifica está ao seu dispor nas dependencias da Axencia de Protección da Legalidade Urbanística, sita no Edificio Witland, 1º andar-Salgueiriños, en Santiago de Compostela.

Contra esta resolución, de imposición de primeira multa coercitiva, o interesado pode interpoñer recurso de reposición ante a directora da Axencia de Protección da Legalidade Urbanística, no prazo dun mes contado a partir do día seguinte a aquel en que teña lugar a publicación desta cédula, significándolle que o recurso unicamente será admisible por motivos de infracción do ordenamento inherentes á imposición desta multa coercitiva, sendo motivo de inadmisión a reiteración das mesmas razóns que se esgrimiron ou se puideron esgrimir fronte á resolución da que este acordo é un mero acto de execución.

No caso de non exercer o seu dereito a presentar recurso potestativo de reposición, poderá interpoñer directamente recurso contencioso-administrativo, no prazo de dous meses, ante o xulgado do contencioso-administrativo en cuxa circunscrición radique o inmoble afectado, conforme o disposto no artigo 14º.1, regra terceira, da Lei 29/1998, reguladora da xurisdición contencioso-administrativa.

Para que conste e lle sirva de notificación de resolución ao destinatario arriba indicado, en cumprimento do disposto no artigo 59º.5 da citada Lei 30/1992, do 26 de novembro, expido e asino esta cédula.

Santiago de Compostela, 12 de xaneiro de 2011.

María Martínez Allegue

Directora da Axencia de Protección

da Legalidade Urbanística