No procedemento de referencia ditouse sentenza nº 303, con data do 20 de xullo de 2010, cuza resolución é do teor literal seguinte:
Resolvo que debo estimar e estimo integramente a demanda deducida pola procuradora sra. Caamaño Castiñeiras en nome e representación de Arturo Rodríguez García, Florinda Rodríguez García e José Manuel Rodríguez García, asistidos do letrado Sr. Curros Neira, contra Elvira Rodríguez García, María del Carmen Rodríguez García e Francisco Javier Rodríguez García, todos eles representados polo procurador sr. Calviño Gómez e asistidos de letrado e contra Domingo Andrés Rodríguez García, en rebeldía procesual, sobre acción de aceptación da herdanza de Dorinda García Nimo e acción de elevación a escritura pública do contrato de cesión de dereitos hereditarios do 4 de agosto de 1978 e, en consecuencia, procede declarar aceptada a herdanza de Dorinda García Nimo por parte dos seus herdeiros e proceder á elevación a escritura pública do contrato de cesión de dereitos hereditarios outorgado con data do 4 de agosto de 1978 e descrito no feito terceiro da demanda, no prazo de dous meses desde a
firmeza desta sentenza, baixo apercibimento en caso contrario de que a parte demandante acuda en sede de execución de título xudicial á actuación prevista no artigo 708 da Lei de axuizamento civil.
Notifíqueselles esta resolución en legal forma ás partes.
Non procede condena en exclusiva en custas a ningunha das partes.
Esta resolución non é firme e contra ela cabe interpor neste xulgado recurso de apelación conforme a vixente Lei de axuizamento civil, para a súa resolución pola Audiencia Provincial da Coruña, no prazo de cinco días desde a súa notificación, na forma prevista nos artigos 457º e seguintes da Lei de axuizamento civil, logo de consignar, se é o caso, o depósito de 50 euros previsto na disposición adicional décimo quinta da Lei de axuizamento civil.
Así, por esta miña sentenza, pronúncioo, mándoo e asínoo. Roberto Soto Sola, maxistrado xuíz titular do Xulgado de Primeira Instancia nº 6 desta localidade e o seu partido xudicial.
E, como consecuencia do ignorado paradoiro do codemandado Domingo Andrés Rodríguez García, expídese este edicto para a súa publicación no Diario Oficial de Galicia e para que lle sirva de cédula de notificación.
Santiago de Compostela, 14 de decembro de 2010.
O/A secretario/a
Rubricado