A orde da Consellería de Innovación e Industria do 26 de xaneiro de 2006 (DOG nº 24, do 3 de febreiro), aproba as bases reguladoras da liña de incorporación estable do Programa de incentivación da incorporación e intensificación (Programa I3) da actividade investigadora na Comunidade Autónoma de Galicia con destino aos centros de I+D sen ánimo de lucro. Por orde da Consellería de Economía e Industria de 20 de decembro de 2010 (DOG nº 247, do 27 de decembro), abriuse o prazo de solicitudes para o ano 2010 da liña de incorporación estable do Programa de incentivación da incorporación e intensificación (Programa I3) da actividade investigadora na Comunidade Autónoma de Galicia con destino ao sistema público de I+D.

Conforme o disposto no artigo 9º da orde de bases reguladoras (DOG nº 24, do 3 de febreiro de 2006) e artigo 11º da orde da Consellería de Economía e Industria de 20 de decembro de 2010 (DOG nº 247, do 27 de decembro), a Comisión de selección procedeu á revisión das solicitudes e realizou a correspondente proposta de selección das entidades beneficiarias, á vista da que esta Consellería de Economía e Industria

RESOLVE:

Primeiro.-A concesión das axudas correspondentes ao Programa de incentivación da incorporación e intensificación (Programa I3) da actividade investigadora na Comunidade Autónoma de Galicia con destino ao sistema público de I+D, ás universidade do SUG e ao ente da Administración da Comunidade Autónoma de Galicia que desenvolven actividades de investigación ou innovación e que ofertaron postos de traballo de carácter permanente, que se cubriron mediante contrato ou nomeamento entre o 1 de xaneiro e o 31 de decembro de 2009 por investigadores ou profesores-investigadores que reúnen os requisitos establecidos no artigo 2º da orde da Consellería de Economía e Industria de 20 de decembro de 2010 (DOG nº 247, do 27 de decembro), do xeito seguinte:

a) Universidade de Santiago de Compostela: axuda en contía correspondente a 5 postos de traballo de nivel 1.

b) Universidade de Vigo: axuda en contía correspondente a 3 postos de traballo de nivel 1.

c) Universidade da Coruña: axuda en contía correspondente a 1 posto de traballo de nivel 1.

d) Instituto Galego da Calidade Alimentaria: axuda en contía correspondente a 1 posto de traballo de nivel 1.

Segundo.-A axuda correspondente aos 10 postos seleccionados financiarase con cargo ás aplicacións orzamentarias 08.02.561B.444.0 e 08.02.561A.440.0 dos orzamentos xerais da Comunidade Autónoma de Galicia para os anos 2010, 2011 e 2012, de acordo coa seguinte distribución:

Ver referencia pdf "01000D003P020.PDF"

Terceiro.-O pagamento da axuda pola Consellería de Economía e Industria ás institucións beneficiarias realizarase do xeito indicado no artigo 15º da orde da Consellería de Economía e Industria do 20 de decembro de 2010 (DOG nº 247, do 27 de decembro).

Cuarto.-Todos os postos que serven de base para fixar a contía das axudas cuxo financiamento se propón cumpren os requisitos establecidos nas correspondentes bases da convocatoria.

Quinto.-Contra esta resolución, que esgota a vía administrativa, os interesados poderán interpoñer recurso potestativo de reposición perante o conselleiro de Economía e Industria, no prazo dun mes contado a partir do día seguinte ao da publicación desta resolución no Diario Oficial de Galicia, ou directamente, recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde a mesma data.

Santiago de Compostela, 31 de decembro de 2010.

P.D. (Orde 30-4-2009, DOG nº 87, do 6 de maio)

José Riesgo Boluda

Secretario xeral da Consellería de Economía

e Industria