De conformidade co disposto no artigo 18º.1 da Lei 38/2003, do 17 de novembro, xeral de subvencións, e no artigo 15º da Lei 9/2007, do 13 de xuño, de subvencións de Galicia, publícanse as subvencións concedidas en virtude da Orde do 19 de febreiro de 2010, pola que se regulan as bases polas que se rexerá a concesión de subvencións destinadas ao cofinanciamento da prestación de servizos sociais polas corporacións locais e se procede á súa convocatoria para o exercicio 2010 (DOG nº 40, do 1 de marzo), modificada pola Orde do 26 de maio de 2010 (DOG nº 110, do 11 de xuño).
O importe total destinado ao financiamento destas subvencións correspondentes ao exercicio 2010 ascendeu a 50.239.668,01 , repartidos nas seguintes aplicacións dos orzamentos xerais da comunidade autónoma galega para o ano 2010:
-25.066.839,00 con cargo á aplicación orzamentaria 12.02.312D.460.0;
-1.190.220,30 con cargo á aplicación orzamentaria 12.02.312A.460.0;
-16.056.456,00 con cargo á aplicación orzamentaria 12.02.313C.460.2;
-6.871.795,04 con cargo á aplicación orzamentaria 12.02.313C.460.3;
-220.536,39 con cargo á aplicación orzamentaria 12.02.312E.761.0;
-33.821,28 con cargo á aplicación orzamentaria 12.02.313C.760.0;
-800.000,00 con cargo á aplicación orzamentaria 12.02.312F.460.2.
Ás contías anteriores súmase, ademais, a correspondente aos remanentes que, procedentes do exercicio anterior, son incorporados para o financiamento destas subvencións no exercicio 2010, contía que ascende a un total de 4.036.509,01 . Estes remanentes producíronse nos créditos destinados ao financiamento dos gastos correntes dos servizos sociais comunitarios de titularidade municipal, polo que foron incorporados para a mesma finalidade.
Ademais, con cargo aos créditos correspondentes ás anualidades 2011, 2012 e 2013 das aplicacións orzamentarias 12.02.312E.761.0 e 12.02.313C.760.0, concedéronse subvencións de carácter plurianual pola contía de 1.044.578,80 para o exercicio 2011 (350.000,00 con cargo á aplicación orzamentaria 12.02.312E.761.0 e 694.578,80 con cargo á aplicación orzamentaria 12.02.313C.760.0), de 1.272.556,40 para o exercicio 2012 (300.000,00 con cargo á aplicación orzamentaria 12.02.312E.761.0 e 972.556,40 con cargo á aplicación orzamentaria 12.02.313C.760.0) e de 61.995,67 para o exercicio 2013 (os 61.995,67 con cargo á aplicación orzamentaria 12.02.312E.761.0).
Destas subvencións, as destinadas a financiar os gastos correntes de mantemento e realización de programas básicos de servizos sociais comunitarios municipais correspondentes ao exercicio 2010 foron cofinanciadas con fondos finalistas procedentes da Administración xeral do Estado (Ministerio de Sanidade, Política Social e Igualdade) nunha contía de 8.028.227,61 a través do denominado Plan concertado de prestacións básicas de servizos sociais de corporacións locais e, por outra banda, as destinadas a financiar os proxectos para o desenvolvemento do pobo xitano correspondentes ao exercicio 2010 foron cofinanciadas con fondos finalistas procedentes da Administración xeral do Estado (Ministerio de Sanidade, Política Social e Igualdade) nunha contía de 74.188,39 .
Así mesmo, as subvencións destinadas a financiar axuda no fogar a persoas valoradas como dependentes tamén foron parcialmente cofinanciadas con fondos finalistas procedentes da Administración xeral do Estado (Ministerio de Sanidade, Política Social e Igualdade-Imserso) nunha contía de 6.242.106,00 con cargo aos fondos estatais destinados á atención de persoas en situación de dependencia.
Santiago de Compostela, 16 de decembro de 2010.
P.D. (Orde 19-2-2010, D.A.)
Susana López Abella
Secretaria xeral de Familia e Benestar
Ver referencia pdf "00300D006P042.PDF"
Ver referencia pdf "00300D007P052.PDF"