SAT Gandeira do Oribio solicitou desta alcaldía licenza municipal para corte de vacún, fosa de xurro e sollado de formigón en Abradelo de Samos.

En cumprimento do disposto no artigo 8º.3 do Decreto 133/2008, do 12 de xuño, de avaliación de incidencia ambiental, sométese a información pública polo período de vinte días hábiles, co fin de que durante este, que comezará a contar desde o día seguinte ao da última publicación deste edicto no Diario Oficial de Galicia e no BOP, poidan examinar o expediente, na Secretaría deste concello, as persoas que dalgún xeito se consideren afectadas pola actividade que se pretende instalar, e formular por escrito as reclamacións ou observacións que xulguen oportunas.

Samos, 20 de novembro de 2010.

Julio Gallego Moure

Alcalde