César Julio Rodríguez Ares, en representación de Recambios y Accesorios César Rodríguez, S.L., solicitou desta alcaldía licenza municipal para proxecto de establecemento comercial para a venda de pneumáticos, recambios e accesorios do automóbil con servizo de engraxamento, que se situará en rúa Carlos III, nº 50 baixo, Becerreá.

En cumprimento do disposto no punto 3 do artigo 8º do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de vinte días hábiles, co fin de que durante este, que comezará a contarse desde o día seguinte ao da última publicación deste edicto no BOP e no Diario Oficial de Galicia, poidan examinar o expediente, na Secretaría deste concello, as persoas que dalgún xeito se consideren afectadas pola actividade que se pretende instalar, e formular por escrito as reclamacións ou observacións que consideren oportunas.

Becerreá, 26 de novembro de 2010.

Manuel Martínez Núñez

Alcalde