Visto o expediente para o outorgamento de autorización administrativa e a aprobación do proxecto de execución da instalación eléctrica que a seguir se cita:
Solicitante: Central Eléctrica Sestelo y Cía, S.A.
Domicilio social: Doutor Fernández Vega, 14, 36860 Ponteareas.
Denominación: L.M.T. e C.T. O Carrascal.
Situación: Ponteareas.
Características técnicas: L.M.T. aérea a 20 kV con condutor LA-78 de 58 metros de lonxitude, con orixe na L.M.T.A. derivación Puzo. L.M.T. subterránea a 20 kV con condutor Hersatene D.H.Z.1 H-16, en tres tramos. Tramo ao C.T. proxectado O Carrascal: 458 metros; tramo ao C.T. As Godallas: 427 metros; tramo á L.M.T.A. Avirojo: 446 metros. Centro de transformación de 250 kVA, R.T. 20 kV/230-400 V, situado no Carrascal, San Mateo de Oliveira, Ponteareas.
Cumpridos os trámites ordenados na Lei 54/1997, do 27 de novembro, do sector eléctrico e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, este departamento territorial resolve:
Autorizar e aprobar o proxecto de execución da devandita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
O prazo de posta en marcha da instalación, de acordo co artigo 131º do Real decreto 1955/2000, será de doce meses, a partir da recepción desta resolución. Para os efectos da posible solicitude de prórroga, o peticionario deberá ter en conta o disposto no capítulo IV do Decreto 1775/1967, do 22 de xullo.
Contra esta resolución poderase interpor recurso de alzada ante o conselleiro de Economía e Industria no prazo dun mes, contado a partir do día seguinte ao da notificación desta resolución; tamén se poderá interpor calquera outro recurso que se considere pertinente ao seu dereito.
Pontevedra, 23 de novembro de 2010.
Ignacio Rial Santomé
Xefe territorial de Pontevedra