No Xulgado do Contencioso-Administrativo número dous de Santiago de Compostela tramítase o recurso 308/2010 (procedemento abreviado), interposto por Milagros Durán Muíños contra o Anuncio do 23 de decembro de 2009, da Dirección de Recursos Humanos do Servizo Galego de Saúde, relativo á publicación das puntuacións provisionais e á anulación de preguntas dos exercicios da fase de oposición do proceso selectivo convocado por Resolución do 18 de febreiro de 2009, da Secretaría Xeral do Servizo Galego de Saúde para o ingreso en diversas categorías de persoal estatutario, entre as cales figura a de celador/a.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49º da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 1 de decembro de 2010.

Esperanza Fernández Lago

Directora de Recursos Humanos