Convocada por Orde do 6 de outubro de 2010 (DOG nº 206, do 26 de outubro), a provisión dun posto pertencente á estrutura directiva do Complexo Hospitalario de Ourense, esta Consellería, de conformidade co previsto no Decreto 206/2005, do 22 de xullo, de provisión de prazas de persoal estatutario do Servizo Galego de Saúde, en exercicio das competencias que ten atribuídas,

DISPÓN:

Primeiro.-Resolver a convocatoria pública para a provisión dun posto pertencente á estrutura organizativa do Complexo Hospitalario de Ourense, anunciada por Orde do 6 de outubro de 2010 (DOG nº 206, do 26 de outubro).

Segundo.-Nomear na praza que se indica a persoa citada no anexo I desta orde, para os efectos do previsto no número 2 do artigo 59º do Decreto 206/2005, do 22 de xullo (DOG nº 145, do 29 de xullo) de provisión de prazas de persoal estatutario do Servizo Galego de Saúde.

Terceiro.-Contra esta orde, que pon fin á vía administrativa, poderase interpoñer potestativamente recurso de reposición ante este mesmo órgano, no prazo dun mes contado a partir do día seguinte ao da súa publicación. Se non se estima a interposición deste recurso, poderase interpoñer recurso contencioso-administrativo ante o xulgado do contencioso-administrativo competente, no prazo de dous meses contados a partir do día seguinte ao da súa publicación.

Santiago de Compostela, 7 de decembro de 2010.

Mª Pilar Farjas Abadía

Conselleira de Sanidade

ANEXO

Posto: director/a de centro.

Nome e apelidos: Alfonso Iglesias Forneiro.

Centro: Complexo Hospitalario de Ourense.