De conformidade co disposto no artigo 15º.1 da Lei 9/2007, do 13 de xuño, de subvencións de Galicia, e no artigo 16º da Resolución do 16 de xullo de 2010, da Secretaría Xeral da Emigración, pola que se aproban as bases reguladoras das subvencións, en réxime de concorrencia non competitiva, a entidades sen ánimo de lucro para desenvolver programas destinados a favorecer os procesos de acollida e integración da poboación inmigrante e retornada na Comunidade Autónoma galega, para o ano 2010, procédese á publicación das subvencións concedidas de contía igual ou superior a 3.000 euros.

Finalidade das subvencións: favorecer os procesos de acollida e integración da poboación inmigrante e retornada mediante subvencións de gastos correntes e de equipamento para a realización dos proxectos e accións referidos aos eixes e programas previstos no artigo 5º da Resolución do 16 de xullo de 2010.

Norma reguladora: Resolución do 16 de xullo de 2010 pola que se aproban as bases reguladoras das subvencións, en réxime de concorrencia non competitiva, a entidades sen ánimo de lucro para desenvolver programas destinados a favorecer os procesos de acollida e integración da poboación inmigrante e retornada na Comunidade Autónoma galega, durante o ano 2010 (DOG nº 140, do 23 de xullo) e Resolución do 28 de outubro pola que se amplía o prazo de xustificación.

Aplicacións orzamentarias: 04.50.312C.481.0 e 04.50.312C.781.0 dos orzamentos xerais da comunidade autónoma para o ano 2010.

Crédito orzamentario: 600.000 € na aplicación orzamentaria 04.50.312C.481.0 e 80.000 € na aplicación orzamentaria 04.50.312C.781.0.

Entidades beneficiarias da subvención cunha contía igual ou superior a 3.000 € e importe da subvención concedida a cada unha delas expresado en euros, que figuran no anexo a esta resolución.

Santiago de Compostela, 28 de outubro de 2010.

J. Santiago Camba Bouzas

Secretario xeral da Emigración

Ver referencia pdf "24400D002P007.PDF"

Ver referencia pdf "24400D003P008.PDF"