O Consello de Goberno desta Universidade, na súa sesión do 30 de setembro de 2010, acordou, logo de petición do interesado, cos informes favorables dos departamentos correspondentes e examinada a solicitude razoada e o seu currículo, o cambio de denominación da praza de profesorado universitario que se relaciona no anexo.
En aplicación do dito acordo, resolvo modificar a denominación da área da praza de profesorado universitario que se relaciona e segundo se detalla no anexo. O que se fai público para xeral coñecemento.
Santiago de Compostela, 19 de novembro de 2010.
Juan José Casares Long
Reitor da Universidade de Santiago de Compostela
ANEXO
Apelidos e nome: Brenlla González, Julio Bernardo.
Corpo docente: profesor titular de universidade.
Área á que pertence: enfermaría.
Área solicitada: psiquiatría.