Por iniciativa das correspondentes asociacións, poderán ser declaradas de utilidade pública aquelas que reúnan os requisitos establecidos no artigo 32º da Lei orgánica 1/2002, do 22 de marzo, reguladora do dereito de asociacións.

Os expedientes foron instruídos de conformidade co previsto no Real decreto 1740/2003, do 19 de decembro, sobre procedementos relativos a asociacións de utilidade pública, e neles consta a documentación e os informes previstos na citada norma.

O Decreto 157/2008, do 10 de xullo, sobre asunción de funcións da Administración do Estado traspasadas á Comunidade Autónoma de Galicia, mediante o Real decreto 1080/2008, do 30 de xuño, en materia de declaración de utilidade pública de asociacións, asigna estas funcións á Consellería de Presidencia, Administracións Públicas e Xustiza, establecendo que será competente para resolver o procedemento de declaración de utilidade pública a persoa titular da Consellería de Presidencia, Administracións Públicas e Xustiza, logo da instrucción do procedemento polo órgano correspondente.

De conformidade cos informes favorables de declaración de utilidade pública, emitidos polos instrutores dos expedientes,

RESOLVO:

Declarar de utilidade pública as seguintes asociacións:

-Asociación Avelaíña de Axuda a Persoas con Problemas de Saúde Mental, inscrita no Rexistro Provincial de Asociacións de Pontevedra co número 1997/4405-1ª.

-Asociación Personas Sordas de Vigo, inscrita no Rexistro Provincial de Asociacións Pontevedra co número 1972/169-1ª.

-Asociación Casa de Familia Santa Joaquina de Vedruna, inscrita no Rexistro Provincial de Asociacións de Pontevedra co número 1995/3559-1ª.

-Asociación Red Madre Pontevedra, inscrita no Rexistro Provincial de Asociacións de Pontevedra co número 2008/11236-1ª.

-Asociación de Pais do Servizo de Tratamentos a Nenos con Discapacidades (STAND), inscrita no Rexistro Provincial de Asociacións da Coruña co número 1993/3465-1ª.

Contra esta orde que pon fin á vía administrativa, pode interpoñerse recurso contencioso-administrativo ante a sala correspondente do Tribunal Superior de Xustiza de Galicia, no prazo de dous meses, de conformidade co disposto na Lei 29/1998, do 13 de xullo, reguladora da xurisdición contencioso-administrativa, podendo interpoñer con carácter potestativo recurso de reposición ante o mesmo órgano que ditou o acto, no prazo dun mes, segundo o disposto na Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 16 de novembro de 2010.

Alfonso Rueda Valenzuela

Conselleiro de Presidencia, Administracións Públicas e Xustiza