Anuncio de demanda de financiamento axustada aos seguintes termos:

-Modalidade: préstamo.

-Importe: ata 42.508.284,62 euros, cun mínimo de oferta de 10.000.000 de euros (nun ou en varios tramos).

-Período de disposición: ata o 31 de decembro nunha ou en varias disposicións.

-Moeda: euros.

-Modalidades:

Opción A: tipo de xuro variable referenciado a euríbor a 3 meses.

Prazo: 10 anos (incluída carencia).

Carencia: 2 anos.

Liquidacións de xuros e amortizacións: trimestrais.

Opción B: tipo de xuro fixo referenciado ao tipo de oferta do IRS a prazo de 6 anos.

Prazo: 10 anos (incluída carencia).

Carencia: 2 anos.

Liquidacións de xuros e amortizacións: trimestrais.

Opción C: calquera estrutura que a entidade financeira considere que pode ser de interese para SPI-Galicia, S.A.

Prazo:10 anos (incluída carencia).

Carencia: 2 anos.

(SPI-Galicia, S.A. reserva para si en función dos importes e das condicións financeiras ofertadas, o dereito a optar por calquera das tres opcións, calquera combinación entre elas ou mesmo declarar deserta a adxudicación).

-Garantías: as que deriven do convenio marco e do PEF global de 2010 aprobado polo Consello da Xunta de Galicia o 18 de febreiro de 2010. O contrato que se asine poderá incluír dentro das causas de vencemento anticipado a modificación substancial do accionariado de SPI-Galicia, S.A.

-Comisións e gastos: non existirán.

Presentación de ofertas:

As ofertas dirixiranse en sobre pechado á atención do presidente de SPI-Galicia, S.A., praza de Europa, 10 A-5º, 15707 Santiago de Compostela, facendo constar na marxe superior esquerda o seguinte:

Oferta préstamo novembro 2010.

Prazo de presentación de ofertas:

As ofertas deberán presentarse antes das 12.00 horas do día 14 de decembro de 2010 no rexistro de SPI-Galicia, S.A.

O/os mandato/s serán outorgado/s no prazo máximo de 8 días, contados desde a finalización do período de presentación de ofertas.

É intención desta entidade pública da comunidade autónoma que a operación se asine sen a intervención de fedatario público. No clausulado do contrato que se formalice, poderase incluír a obriga de elevar a público o documento no suposto de que algunha das partes, e ao seu custo, o requira. Non obstante, se a entidade financeira considera a necesidade de que a operación de endebedamento se asine ante o mencionado fedatario, deberá facerse cargo do gasto correspondente.

Santiago de Compostela, 25 de novembro de 2010.

Miguel Corgos López Prado

Presidente da Sociedade Pública de Investimentos de Galicia, S.A.