O Pleno da corporación na sesión ordinaria do 22 de outubro de 2010, acordou aprobar, con carácter definitivo, o estudo de detalle reformado para reaxustar aliñacións correspondentes a parcelas situadas no eido do PERI de Estribela, entre a avenida Montero Ríos nº 28 e a avenida de Marqués de Valterra nº 1, formulado, mediante iniciativa particular, por Fidel Abad Mosquera, sendo o instrumento urbanístico que se aproba definitivamente o subscrito polo arquitecto Antonio Vázquez Rosales con visado do Colexio Oficial de Arquitectos de Galicia do 7 de xaneiro de 2010.

O acto de aprobación definitiva do citado estudo de detalle foille comunicado á Consellería de Medio Ambiente, Territorio e Infraestruturas o 28 de outubro de 2010, cumprindo co disposto no artigo 92º.3 da Lei 9/2002, do 30 de decembro, de ordenación urbanística e protección do medio rural de Galicia.

Conforme o sinalado no artigo 92º.2 da citada lei, procedeuse a publicar este acordo no DOG e no BOP, ademais de notificárllelo persoalmente aos propietarios directamente afectados, con indicación dos recursos procedentes.

Contra o acordo de aprobación definitiva do estudo de detalle que pon fin á vía administrativa poderase interpor recurso contencioso-administrativo ante a Sala do Contencioso do Tribunal Superior de Xustiza de Galicia no prazo de dous meses, contados a partir do día seguinte ao da publicación deste anuncio no BOP ou no DOG, de conformidade co establecido nos artigos 8º, 10º e 46º da Lei 29/1998, do 13 de xullo, da xurisdición contencioso-administrativa.

Pontevedra, 2 de novembro de 2010.

María Teresa Casal García José Luis Mato Rodríguez

Tenente alcalde delegada Secretario xeral do Pleno

da Área de Urbanismo

e Vivenda