Con data do 9 de novembro de 2010, a Xunta de Goberno local acordou a aprobación inicial do estudo de detalle presentado por Alejandro Díaz López, en representación de Galician Audio Research Center, S.A., co obxecto de definir a ordenación de volumes correspondentes á agrupación de parcelas 19-20 e 37-38 da zona Z3 do parque empresarial da Trabe, redactado por Antonio Piñeiro Conchado, visado polo COAG na data do 25-10-2010, condicionado a que se acredite a propiedade das parcelas en favor de Galician Audio Research Center, S.A., ou de non seren estes os propietarios se acredite a aceptación polos propietarios que representen o 50% da superficie do ámbito de detalle.
O dito acordo supón a suspensión de outorgamento de licenzas no ámbito regulado polo estudo de detalle por un prazo máximo de dous anos ou ata que se acorde a aprobación definitiva se fose anterior.
Sométese a información pública polo prazo de 20 días hábiles a partir do día seguinte ao da última publicación deste anuncio no BOP, no Diario Oficial de Galicia e nun dos diarios de maior circulación da provincia.
Durante o dito prazo as persoas interesadas poderán examinar o seu contido na Casa do Concello de luns a venres en horario das 9.00 ás 14.00 horas e presentar as alegacións que consideren oportunas.
Cedeira, 16 de novembro de 2010.
José Luis Vergara Rey
Alcalde