Mediante Resolución do 12 de marzo de 2008 procedeuse á publicación das bases reguladoras dos incentivos a proxectos de investimento empresarial, á convocatoria de varios programas de axuda e á publicación dos créditos asignados a cada un deles (DOG nº 55, do 18 de marzo).

Mediante a Resolución do 10 de xuño de 2010 e Resolución do 22 de xullo de 2010 derrogáronse as ditas bases reguladoras, sen prexuízo da tramitación conforme a dita regulación dos expedientes destes programas presentados ao seu abeiro ata a súa completa finalización e arquivo, dotándose de crédito para a súa resolución para concesións dos seguintes expedientes:

-Proxectos de investimento empresarial superior a 500.000 € (procedemento IG100).

-Proxectos de servizos avanzados intensivos en emprego (procedemento IG101).

Debido a que no período de tempo transcorrido entre a estimación feita para atender as solicitudes presentadas e a publicación dos correspondentes créditos, se presentaron un maior número de solicitudes das previstas e de maior contía, polo que tratando de dar resposta á ampla demanda de axuda, é necesario incrementar o importe aprobado para os ditos programas.

Na súa virtude e de conformidade coas facultades que teño conferidas,

RESOLVO:

Único.-Amplíase en 6.500.000 € o crédito para o exercicio 2010 para os proxectos de investimento empresarial superior a 500.000 € (procedemento IG100) con cargo á partida orzamentaria E2/10/02-656700, ao abeiro da base reguladora dos incentivos a proxectos de investimento empresarial segundo a convocatoria publicada no DOG nº 55, do 18 de marzo de 2008.

Santiago de Compostela, 24 de novembro de 2010.

Joaquín Varela de Limia de Cominges

Director xeral do Instituto Galego de Promoción Económica