O Consello de Dirección do Igape, na súa xuntanza do 20 de abril de 2010, acordou por unanimidade dos seus membros asistentes a aprobación das bases reguladoras das axudas do Instituto Galego de Promoción Económica para o apoio financeiro á hostalaría, comercio, turismo e servizos das comarcas de Ferrol, Eume e Ortegal, instrumentadas mediante convenio de colaboración subscrito entre o Instituto Galego de Promoción Económica, as entidades financeiras e as sociedades de garantía recíproca adheridas (Re-invirte Ferrol). As ditas bases publicáronse mediante Resolución do 22 de xullo de 2010 (DOG nº 142, do 27 de xullo).
Xunto co texto das devanditas bases publicouse a relación das entidades financeiras que se adheriron ao convenio.
Con data do 27 de outubro de 2010 ratificouse a adhesión da entidade financeira Banco Popular Español, S.A., cómpre facelo público.
Polo que antecede, en virtude das facultades que teño conferidas mediante o artigo 12º a) da Lei 5/1992, do 10 de xuño, de creación do Instituto Galego de Promoción Económica e do artigo 11º.1 a) do Decreto 317/1992, do 12 de novembro, polo que se aproba o regulamento do Igape,
RESOLVO:
Único.-Engadir a entidade financeira Banco Popular Español, S.A., á relación de entidades financeiras adheridas ao convenio de colaboración para o apoio financeiro á hostalaría, comercio, turismo e servizos das comarcas de Ferrol, Eume e Ortegal, subscrito entre o Instituto Galego de Promoción Económica (Igape), as entidades financeiras e sociedades de garantía recíproca adheridas (Re-invirte Ferrol), asinado o 22 de xullo de 2010.
Santiago de Compostela, 11 de novembro de 2010.
Joaquín Varela de Limia de Cominges
Director xeral do Instituto Galego de Promoción Económica