Como consecuencia da entrada en vigor da Lei 33/2010, do 5 de agosto, de modificación da Lei 48/2003, do 26 de novembro, de réxime económico e de prestación de servizos nos portos de interese xeral, que modifica o artigo 40º da Lei 27/1992, do 23 de novembro, de portos do Estado e da mariña mercante, na redacción dada pola Lei 62/1997, de reforma daquela Lei 27/1992, debe modificarse a composición actual do Consello de Administración das autoridades portuarias dos portos de interese xeral do Estado situados na Comunidade Autónoma galega: Ferrol-San Cibrao, A Coruña, Marín e Ría de Pontevedra, Vilagarcía de Arousa e Vigo.
Adoptado acordo polo Consello da Xunta de Galicia, en sesión do 16 de setembro de 2010, relativo a modificar a composición do Consello de Administración das autoridades portuarias de portos de interese xeral do Estado, situados na Comunidade Autónoma galega, para adaptalos ao disposto na Lei 33/2010, do 5 de agosto, antes mencionada, así como facultar a persoa titular da consellería competente en materia de portos para a designación e separación dos vogais que compoñen o Consello de Administración destas autoridades portuarias, conforme o previsto e en canto órgano competente,
DISPOÑO:
O nomeamento como vogais no Consello de Administración da Autoridade Portuaria de Vilagarcía de Arousa dos seguintes:
-En representación da Administración xeral do Estado:
Manuel Rodríguez Cuervo.
Javier Martínez Aranzabal.
Javier Suárez García.
-En representación da comunidade autónoma:
José Manuel Cores Tourís.
Juan Maneiro Cadillo.
Covadonga Salgado Blanco.
José Juan Duran Hermida.
-En representación dos municipios en cuxo termo está localizada a zona de servizo do porto:
Marcelino Abuin Duro.
José Luis Rivera Mallo.
-En representación da Cámara de Comercio, Industria e Navegación:
Miguel Falcón Noya.
-En representación das organizacións empresariais:
Luis García-Reboredo Mendoza.
-En representación das organizacións sindicais:
Enrique Iglesias Pazos.
-En representación do sector pesqueiro no ámbito de actuación da autoridade portuaria:
Benito González Sineiro.
Santiago de Compostela, 8 de novembro de 2010.
Rosa María Quintana Carballo
Conselleira do Mar