A Orde do 14 de xuño de 2010 (DOG nº 119, do 24 de xuño) establece no artigo 3 a posibilidade de incrementar o crédito existente con fondos comunitarios, da Administración do Estado ou da Comunidade Autónoma de Galicia, de acordo co artigo 30 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.
En consecuencia, como existe un incremento nos fondos dispoñibles, cómpre ampliar o importe do crédito destinado ás axudas que poderán ser concedidas ao abeiro da referida Orde do 14 de xuño de 2010 coa finalidade de facer chegar estas ao maior número de beneficiarios posibles.
Por todo o exposto e en uso das facultades que me foron concedidas
DISPOÑO:
Artigo único.
Primeiro.-Amplíase en 565.212,93 euros o importe total das axudas que se van conceder ao abeiro da Orde do 14 de xuño de 2010, que queda cun importe total de 3.270.598,51 euros.
Esta dotación aténdese por importe de 547.140 euros co Fondo Social Europeo (ao 80%) e fondos propios que cofinancian (ao 20%) por tratarse de accións elixibles no eixe I tema prioritario 62 de acordo co programa operativo FSE de Galicia 2007-2013. O importe que complementa a dotación total é de 18.072,93 euros procedente de fondos propios libres.
A dita ampliación afecta a seguinte aplicación orzamentaria, que figura dotada nos orzamentos xerais da Comunidade Autónoma de Galicia para o ano 2010.
Aplicación Proxecto Programa Importe ()
12.03.324A.471.0 2007 00648 III e V 121.951,00
12.03.324A.471.0 2009 01054 III e V 425.189,00
12.03.324A.471.0 2010 00782 III e V 18.072,93
Segundo.-Esta modificación non afecta o prazo establecido na referida orde para a presentación das solicitudes.
Disposición derradeira
Única.-Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 30 de setembro de 2010.
Beatriz Mato Otero
Conselleira de Traballo e Benestar
