Pola Resolución do 4 de xaneiro de 2010, da Dirección Xeral de Relacións Laborais, ordenouse a publicación do texto do acordo subscrito polos representantes da Administración autonómica e as organizacións sindicais Comisións Obreiras (CC.OO.), Unión Xeral de Traballadores (UGT), Confederación Intersindical Galega (CIG) e Central Sindical Independente de Funcionarios (CSIF), sobre os criterios de repartición do fondo de acción social da Xunta de Galicia para o exercicio do ano 2009.

De conformidade co disposto no punto 5 da base sétima do devandito acordo o prazo máximo para resolver as solicitudes especificadas nesta orde será de cinco meses que se contarán a partir do día seguinte ao da finalización do prazo de presentación de solicitudes. Este prazo poderá prorrogarse no caso de que o elevado número de solicitudes así o requira.

O artigo 42.6º da Lei 30/1992, do 26 de novembro, de réxime xurídico das administracións públicas e do procedemento administrativo común:

«Excepcionalmente, poderá acordarse a ampliación do prazo máximo de resolución e notificación mediante motivación clara das circunstancias concorrentes e só unha vez esgotados todos os medios a disposición posibles.

De acordarse, finalmente, a ampliación do prazo máximo, este non poderá ser superior ao establecido para a tramitación do procedemento.

Contra o acordo que resolva sobre a ampliación de prazos, que deberá ser notificado aos interesados, non caberá recurso ningún».

Neste sentido, de conformidade cos preceptos amentados, ante o elevado número de solicitudes formuladas e os medios persoais e materiais dispoñibles cómpre acordar a ampliación en dous meses o prazo para a resolución definitiva das solicitudes relativas ao Fondo de Acción Social para o exercicio 2009.

Santiago de Compostela, 14 de setembro de 2010.

José María Barreiro Díaz

Director xeral da Función Pública