O artigo 11 da Lei 4/2006, do 30 de xuño, de transparencia e boas prácticas na Administración pública galega (DOG nº 136, do 14 de xuño) impón a cada consellería da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Artigo 1º
Darlle publicidade á relación dos convenios subscritos pola Consellería de Presidencia, Administracións Públicas e Xustiza nos meses de maio, xuño, xullo e agosto do ano 2010, que se incorpora como anexo I a esta resolución.
Artigo 2º
Darlle publicidade á relación dos convenios subscritos pola Consellería de Presidencia, Administracións Públicas e Xustiza pendentes da súa publicación e que se incorporan como anexo II a esta resolución.
Santiago de Compostela, 14 de setembro de 2010.
Beatriz Cuiña Barja
Secretaria xeral da Consellería de Presidencia, Administracións Públicas e Xustiza
Ver referencia pdf "18000D001P006.PDF"
Ver referencia pdf "18000D002P007.PDF"