A directora da Axencia de Protección da Legalidade Urbanística ditou, o 28 de xullo de 2010, a resolución pola que se desestima o recurso potestativo de reposición interposto por Álvaro Pedro Romero Gil-Delgado, en nome e representación da entidade mercantil Breixo, S.L., contra a Resolución do 25 de xaneiro de 2010, no expediente 107 B 2008/150-0, sobre as obras consistentes en execución de nova estrutura, cimentación e placas de forxado, e reforma integral do interior e exterior da vivenda, desmonte de terras, construción dunha edificación subterránea, un rocho, un alpendre, unha escaleira, unha pasarela, un muro de contención de 6,60 m de lonxitude na parte posterior da vivenda, un de 3,30 m no lateral do patio traseiro da vivenda e outro de 6,00 m na parte dianteira da vivenda, na rúa Os Coidelos 20, parroquia de Dorneda, no termo municipal de Oleiros, A Coruña.
Ao non poderse realizar a notificación persoal desta resolución, mediante esta cédula, e ao abeiro do disposto no artigo 59.5º da Lei 30/1992, de réxime xurídico das administracións públicas e do procedemento administrativo común (LRXPAC), notifícaselle ao interesado a dita resolución.
Tendo en conta que, en atención ao previsto no artigo 61 da LRXPAC, o acto non se publica na súa integridade, fáiselle saber ao interesado que o texto íntegro da resolución que se notifica está ao seu dispor nas dependencias da Axencia de Protección da Legalidade Urbanística, situada no edificio Witland, 1º andar - Salgueiriños, en Santiago de Compostela.
Contra esta resolución, que pon fin á vía administrativa, o interesado poderá interpoñer recurso contencioso administrativo, ante o xulgado do contencioso-administrativo en cuxa circunscrición radique o inmoble afectado conforme o disposto no artigo 14.1º.3 da Lei 29/1998, do 13 de xullo, reguladora da xurisdición contencioso-administrativa, no prazo de dous meses contados a partir do día seguinte ao da publicación desta cédula.
Para que conste e lle sirva de notificación ao citado interesado, en cumprimento do disposto no artigo 59.5º da citada Lei 30/1992, do 26 de novembro, expido e asino esta cédula.
Santiago de Compostela, 19 de agosto de 2010.
P.S. (Artigo 3 do Decreto 51/2008, do 6 de marzo,
DOG nº 59, do 27 de marzo)
José M. Domínguez Blanco
Subdirector da Axencia de Protección
da Legalidade Urbanística