No Xulgado do Contencioso-Administrativo número 1 de Lugo tramítase o recurso 133/2010 (procedemento abreviado), de Margarita Rodríguez López, contra a desestimación do recurso de alzada interposto pola recorrente contra a Resolución do 19 de novembro de 2008, da División de Recursos Humanos e Desenvolvemento Profesional, pola que se procede a dar publicidade ás listaxes definitivas de persoas aspirantes a vinculacións temporais nas institucións sanitarias de atención primaria do Servizo Galego de Saúde na categoría de farmacéuticas e farmacéuticos de atención primaria, área sanitaria de Lugo, convocadas mediante Resolución do 16 de maio de 2008.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 18 de agosto de 2010.

Esperanza Fernández Lago

Directora de Recursos Humanos