O Pleno desta corporación, na sesión ordinaria do día 30 de xullo de 2010, adoptou, entre outros o seguinte acordo:
24. Aceptar a ampliación da delegación de competencias tributarias polo Concello de Betanzos, en materia de recadación voluntaria e executiva das sancións municipais por infraccións da Lei de tráfico, circulación de vehículos de motor e seguridade viaria.
Aceptar a ampliación de competencias delegadas en materia tributaria acordada polo Concello de Betanzos en relación coa seguinte materia:
Recadación voluntaria e executiva das sancións por infraccións das normas sobre tráfico, circulación de vehículos de motor e seguridade viaria.
O exercicio das competencias delegadas obxecto de aceptación levarase a cabo nos termos establecidos nas bases para a prestación dos servizos tributarios aos concellos da provincia e terá efectos desde o día en que se publique este acordo no BOP conforme o establecido no artigo 7 do texto refundido da Lei reguladora das facendas locais, aprobado polo Real decreto lexislativo 2/2004, do 5 de marzo.
O que se fai público para xeral coñecemento.
A Coruña, 19 de agosto de 2010.
Salvador Fernández Moreda Mª Amparo C. Taboada Gil
Presidente da Deputación Secretaria accidental da Provincial da Coruña Deputación Provincial da Coruña