De conformidade co artigo 92 da Lei 9/2002 e co artigo 70.2º da Lei 7/1985, publícase o acordo de aprobación definitiva do estudo de detalle do P-14.1, AR-14 SUR, adoptado en sesión plenaria do 1 de xullo de 2010.

O plan entrará en vigor segundo o previsto no artigo 70.2º da Lei 7/1985.

Faise constar que con data do 5 de agosto de 2010 se lle remitiu unha copia autenticada de dous exemplares do instrumento de planeamento aprobado, con todos os planos e documentos que a integran, á Consellería de Medio Ambiente, Territorio e Infraestruturas.

Aprobación definitiva, se procede, do estudo de detalle do P-14.1, AR-14 SUR.

Sen máis intervencións, a Corporación, por unanimidade dos dezasete membros asistentes, adoptou o seguinte acordo:

Vista a solicitude de tramitación de estudo de detalle do P-14.1, AR-14 SUR, presentado pola xunta de compensación do P-14.1, AR-14 SUR.

Visto o informe do arquitecto municipal do 21 de abril de 2009 e 24 de xuño de 2010.

Vista a aprobación inicial realizada pola Xunta de Goberno Local do 30 de abril de 2009.

Visto o período de información pública mediante anuncios en La Región e no Diario Oficial de Galicia sen que se presentaran alegacións.

Visto o ditame da Comisión de Obras e Urbanismo do 28 de xuño de 2010.

Vista a competencia do Pleno da Corporación, segundo o artigo 22.2º c) da Lei 7/1985.

Acordamos:

1. A aprobabión definitiva do estudo de detalle do P-14.1, AR-14 SUR.

2. Comunicar este acordo ao promotor.

3. De conformidade cos artigos 70.2º da Lei 7/1985 e 92 da Lei 9/2002, proceder á remisión deste acordo á Administración xeral do Estado e á Administración da comunidade autónoma. Así mesmo, proceder á publicación deste acordo no Diario Oficial de Galicia e no BOP, xunto coa normativa.

O Barco de Valdeorras, 5 de agosto de 2010.

Alfredo García Rodríguez

Alcalde