En cumprimento da Resolución do 28 de xullo de 2010, do director xeral de Montes, na que se autoriza a realización do deslindamento da parcela norte do monte veciñal en man común denominado De Souto, pertencente a Souto no concello de Lobeira (Ourense), e de acordo co disposto no artigo 90 do Decreto 485/1962, do 22 de febreiro, polo que se aproba o Regulamento de montes, acordouse sinalar a data do 27 de outubro de 2010 ás 10.00 horas para o comezo das operacións de deslindamento, que serán efectuadas polo enxeñeiro de montes Luís Miguel Segovia García, fixando como punto de encontro a ermida do Viso.

Emprázanse os estremeiros e as persoas que acrediten un interese lexítimo para que asistan ao mencionado acto.

Os que non asistan persoalmente ou por medio de representante legal ou voluntario á práctica do deslindamento, non poderán despois formular reclamacións contra el.

Ourense, 13 de agosto de 2010.

Ricardo Ignacio Vecillas Rojo

Xefe territorial de Ourense