Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa da instalación eléctrica que se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: adecuación L.M.T. e C.T. Pezoca.
Situación: concello de Oleiros.
Características técnicas: adecuación do C.T. Pezoca, expediente 52690, consistente na reforma da L.M.T. aérea de entrada e saída no C.T. pasándoas a subterráneas no interior da parcela do C.T.
Retirada da aparellaxe antiga e trafo, substituíndoo por un C.T. compacto de manobra exterior de 400 kVA. Concello de Oleiros.
Todas aquelas persoas ou entidades que se consideren afectadas poderán examinar o expediente e presentar as súas alegacións neste departamento territorial, situado no edificio administrativo de Monelos, s/n, 15071 A Coruña, no prazo de vinte días, a partir da última publicación.
A Coruña, 23 de xullo de 2010.
Tristana Moraleja Gómez
Xefa territorial da Coruña