Con data do 14 de xullo de 2010, a xefa territorial da Consellería de Sanidade de Pontevedra ditou o acordo de inicio do expediente sancionador 36/19/10-SA incoado no Departamento Territorial da Consellería de Sanidade de Pontevedra á Sociedad Domher, titular do establecemento Discoteca Queen.

Intentada a notificación deste acordo segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula e ao abeiro do disposto no número 5 do referido artigo, notifícaselle a Sociedad Domher, titular do establecemento Discoteca Queen, o contido da referida proposta que figura como anexo, para que poida ter coñecemento dela.

Así mesmo, fáiselle saber o dereito que a asiste, ao abeiro do disposto no número 1 do artigo 16 do Real decreto 1398/1993, do 4 de agosto, polo que se aproba o Regulamento para o exercicio da potestade sancionadora, para presentar alegacións ante este departamento territorial no prazo de 15 días hábiles, contados desde o seguinte ao da publicación desta cédula, e lémbraselle o seu dereito a consultar o expediente, depositado nas dependencias deste departamento territorial, sito en Pontevedra, edificio administrativo da Xunta de Galicia, rúa Fernández Ladreda nº 43, 1º, e obter, se é o caso, copia del, segundo o previsto na letra a) do artigo 35 da Lei 30/1992, do 26 de novembro.

Esta cédula expídese para que conste e lle sirva de notificación ao interesado, en cumprimento do disposto no artigo 59.5º da Lei 30/1992, do 26 de novembro.

Pontevedra, 10 de agosto de 2010.

P.A. (Resolución 3-7-2009)

Rosa Agrasar Muíños

Xefa do Servizo de Xestión

ANEXO

Número do expediente: 36/19/10-SA.

Denunciada: Sociedad Domher, con CIF: A-36025351, titular do establecemento Discoteca Queen.

Último enderezo coñecido: rúa Calvo Sotelo, nº 9, baixo, 36700 Tui.

Feito imputado: suposta infracción do previsto na Lei 2/1996, do 8 de maio, de Galicia sobre drogas.

Preceptos presuntamente infrinxidos: artigo 13.1º da Lei 2/1996, do 8 de maio, de Galicia sobre drogas, que di que non se permitirá a venda ou subministración de bebidas alcohólicas a menores de 16 anos, e no caso de bebidas alcohólicas de máis de 18 graos centesimais aos menores de 18 anos.

Tipificación: infracción grave, segundo os artigo 37.3º a) da Lei 2/1996, do 8 de maio, de Galicia sobre drogas.

Sanción proposta: tres mil cinco euros con sete céntimos (3.005,07 €).