O Consello da Xunta de Galicia, na súa reunión do día vinte e nove de xullo de dous mil dez, adoptou, por proposta do conselleiro de Cultura e Turismo, o seguinte acordo:

Declarar festa de Galicia de interese turístico na provincia de Lugo a festa Filandón de Músicas do Courel, que se celebra o segundo domingo de agosto no concello de Folgoso do Courel, de conformidade co establecido no Decreto 39/2001, do 1 de febreiro, de refundición en materia de Consello Galego de Turismo, declaración de municipio turístico galego e declaración de festas de Galicia de interese turístico.

En cumprimento do disposto no artigo 20 do devandito decreto ordénase a publicación do acordo no Diario Oficial de Galicia e a notificación ás persoas ou entidades organizadoras da festa e ao concello correspondente.

Santiago de Compostela, 9 de agosto de 2010.

Antonio Fernández-Campa García-Bernardo

Secretario xeral da Consellería de Cultura

e Turismo