O centro privado Povisa Formación Profesional, do concello de Vigo, solicita autorización para impartir o ciclo formativo de grao medio de Coidados Auxiliares de Enfermaría en quenda de tarde-noite e a supresión do ciclo formativo de grao superior de Integración Social.
Logo de realizar os trámites que establece a normativa vixente, o Departamento Territorial da Consellería de Educación e Ordenación Universitaria de Pontevedra, achega o expediente cos correspondentes informes de acordo co Decreto 133/1995, do 10 de maio, de autorización de centros docentes privados para impartir ensinanzas de réxime xeral non universitarias e coa Orde do 20 de setembro de 1995 que o desenvolve.
Por isto, por proposta da Dirección Xeral de Centros e Recursos Humanos,
DISPOÑO:
Primeiro.-Suprimir o ciclo formativo de grao superior de Integración Social.
Segundo.-Autorizar o ciclo formativo de grao medio de Coidados Auxiliares de Enfermaría en quenda de tarde-noite, no centro privado que se detalla a continuación:
Denominación: centro privado Povisa Formación Profesional.
Código do centro: 36019931.
Domicilio: r/ Romil, 75-77.
Localidade: Vigo.
Concello: Vigo.
Provincia: Pontevedra.
Titular: Policlínico Vigo, S.A. (Povisa).
Composición resultante:
Ciclo formativo de grao medio de Coidados Auxiliares de Enfermaría (1 unidade para 30 alumnos/as en quenda de mañá e 1 unidade para 30 alumnos/as en quenda de tarde-noite).
Ciclo formativo de grao superior de Anatomía Patolóxica e Citoloxía (2 unidades de 30 alumnos/as cada unha).
Ciclo formativo de grao superior de Documentación Sanitaria (1 unidade para 30 alumnos/as).
Ciclo formativo de grao superior de Imaxe para o Diagnóstico (2 unidades de 30 alumnos/as cada unha).
Ciclo formativo de grao superior de Interpretación da Lingua de Signos (2 unidades de 30 alumnos/as cada unha).
Terceiro.-O centro queda obrigado ao cumprimento da normativa vixente e a solicitar a oportuna revisión cando teña que modificarse calquera dos datos que sinala esta orde.
Contra esta orde, que esgota a vía administrativa, as persoas interesadas poderán formular recurso potestativo de reposición ante esta consellería, no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, ou ben, directamente, o recurso contencioso-administrativo no prazo de dous meses desde a mesma data, ante a Sala do Contencioso-Administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 2 de agosto de 2010.
Jesús Vázquez Abad
Conselleiro de Educación e Ordenación Universitaria