A representación da sociedade Colegio Sagrado Corazón do Deza, S.L. solicita o cambio de titularidade do centro privado Sagrado Corazón, do concello de Lalín (Pontevedra).
Mediante escritura pública notarial de compravenda, a entidade Colegio Sagrado Corazón do Deza, S.L. adquire a titularidade para todos os efectos do centro privado Sagrado Corazón de Lalín.
Logo de realizar os trámites que establece a normativa vixente, o Departamento Territorial da Consellería de Educación e Ordenación Universitaria de Pontevedra achega o expediente cos correspondentes informes de acordo co Decreto 133/1995, do 10 de maio, de autorización de centros docentes privados para impartir ensinanzas de réxime xeral non universitarias e coa Orde do 20 de setembro de 1995 que o desenvolve.
Por isto, por proposta da Dirección Xeral de Centros e Recursos Humanos,
DISPOÑO:
Primeiro.-Autorizar o cambio de titularidade do centro privado Sagrado Corazón, do concello de Lalín, código 36004113, a favor de Colegio Sagrado Corazón do Deza, S.L., con todos os dereitos e obrigas adquiridas segundo consta na escritura outorgada ante o notario Manuel Martínez Rebollido o 30 de xuño de 2010.
Este cambio de titularidade non afectará o réxime de funcionamento do centro.
Segundo.-Inscribir esta modificación no Rexistro de Centros dependente desta consellería.
Contra esta orde, que esgota a vía administrativa, as persoas interesadas poderán formular recurso potestativo de reposición ante esta consellería, no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, ou ben, directamente, o recurso contencioso-administrativo no prazo de dous meses desde a mesma data, ante a Sala do Contencioso-Administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 3 de agosto de 2010.
Jesús Vázquez Abad
Conselleiro de Educación e Ordenación
Universitaria