Vista a solicitude formulada pola sociedade de pesca Río Mandeo, na cal se propón unha veda temporal debido á acumulación de salmóns nun tramo do río Mandeo en que a migración augas arriba se ve imposibilitada nas actuais condicións ambientais do río.
Visto o informe do Servizo Provincial de Conservación da Natureza da Coruña, no cal confirma a existencia dun importante número de salmóns reprodutores nun pequeno tramo do río Mandeo, augas abaixo da presa de Chelo, nos concellos de Coirós e Paderne, e se propón a veda do citado tramo.
Esta dirección xeral, de conformidade co disposto no artigo 48 do Regulamento de ordenación da pesca fluvial e dos ecosistemas acuáticos continentais (Decreto 130/1997, do 14 de maio),
RESOLVE:
Vedar para o exercicio da pesca o tramo do río Mandeo comprendido entre a presa de Chelo e a presa da Insua, situada aproximadamente 250 m augas abaixo, ambos os límites nos concellos de Coirós e Paderne.
A veda manterase ata o comezo da tempada hábil do ano 2011.
Santiago de Compostela, 13 de agosto de 2010.
P.D. (6-8-2010)
Emilio Rosa Solana
Subdirector xeral de Recursos Cinexéticos
e Piscícolas
SERVICIO GALEGO DE PROMOCIÓN DA IGUALDADE DO HOME
E DA MULLER