O Centro Privado Nebrija, do concello da Coruña, solicita autorización para o cambio de domicilio por traslado de instalacións da r/ Pérez Cepeda nº 23-25 á avenida Calvo Sotelo nº 31 do concello da Coruña.
Por resolución do 21 de maio de 2010 apróbase o proxecto presentado para o cambio de domicilio por traslado de instalacións. A unidade técnica do Departamento Territorial da Consellería de Educación e Ordenación Universitaria da Coruña informa que as obras se fixeron segundo o proxecto presentado e os planos modificados e que os espazos educativos son suficientes para as ensinanzas autorizadas.
Por isto, de conformidade co Decreto 133/1995, do 10 de maio, sobre autorización de centros docentes privados para impartir ensinanzas de réxime xeral non universitarias, e coa Orde do 20 de setembro de 1995 que o desenvolve, e demais normativa vixente.
Por proposta da Dirección Xeral de Centros e Recursos Humanos,
DISPOÑO:
Primeiro.-Autorizar o cambio de domicilio por traslado de instalacións do Centro Privado Nebrija, da r/ Pérez Cepeda nº 23-25 á avenida Calvo Sotelo nº 31 do concello da Coruña, quedando configurado o centro como se relaciona a continuación:
Denominación: Centro Privado Nebrija.
Código do centro: 15004356.
Domicilio: Avda. Calvo Sotelo nº 31.
Localidade: A Coruña.
Concello: A Coruña.
Provincia: A Coruña.
Titular: Nebrija Torre de Hércules, S.L.L.
Composición resultante:
Ciclo formativo de grao medio de farmacia e parafarmacia (20 alumnos/unidade).
Ciclo formativo de grao medio de coidados auxiliares de enfermería (30 alumnos/unidade).
Ciclo formativo de grao medio de xestión administrativa (30 alumnos/unidade).
Ciclo formativo de grao medio de comercio (30 alumnos/unidade).
Programa de cualificación profesional inicial de informática.
Programa de cualificación profesional inicial de servizos administrativos.
Segundo.-O centro queda obrigado ao cumprimento da normativa vixente e a solicitar a oportuna revisión cando teña que modificarse calquera dos datos que se sinalan nesta orde.
Contra esta orde, que esgota a vía administrativa, as persoas interesadas poderán formular recurso potestativo de reposición ante esta consellería, no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, ou ben, directamente, o recurso contencioso-administrativo no prazo de dous meses desde a mesma data, ante a sala do contencioso-administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 23 de xullo de 2010.
Jesús Vázquez Abad
Conselleiro de Educación e Ordenación Universitaria