Antecedentes.
Por auto do Xulgado de Primeira Instancia nº 1 de Vigo, do 5 de xuño de 2006, foi declarado o Estado herdeiro ab intestato de Bienvenida Méndez Pereira, con DNI 35928234, que faleceu na Residencia Asistida de Maiores Monte Arieiro, Vigo.
Como a data do falecemento da causante, 9 de decembro de 2003, era posterior á entrada en vigor da Lei 4/1995, do 24 de maio, de dereito civil de Galicia, a herdanza correspondía lexitimamente á Comunidade Autónoma de Galicia, polo que o Xulgado de Primeira Instancia nº 1 de Vigo, con data do 22 de setembro de 2006, ditou auto de aclaración en que declaraba a Comunidade Autónoma de Galicia única e universal herdeira ab intestato de Bienvenida Méndez Pereira.
O 12 de marzo de 2007 publicouse no Diario Oficial de Galicia o anuncio polo que se lle daba publicidade á apertura do prazo de información pública do expediente sobre a referida sucesión intestada, e non se presentaron solicitudes de beneficiarios para a repartición da herdanza.
Fundamentos xurídicos.
Lei 4/1995, do 24 de maio, de dereito civil de Galicia, artigos 153 e 154.
Decreto 94/1999, do 25 de marzo, sobre réxime administrativo da sucesión intestada a favor da Comunidade Autónoma de Galicia.
Lei 3/1985, do 12 de abril, do patrimonio da Comunidade Autónoma galega.
Decreto 50/1989, do 9 marzo, polo que se aproba o regulamento que executa a Lei 3/1985.
Lei 30/1992, do 26 de novembro, de réxime xurídico das administracións públicas e do procedemento administrativo común.
Código civil.
Adoptadas pola Secretaría Xeral e do Patrimonio as oportunas medidas de conservación e administración, presentada a conta xeral de liquidación da herdanza e feitas as correspondentes propostas de distribución dos bens hereditarios,
RESOLVO:
Primeiro.-Considerar conforme a seguinte conta xeral de liquidación da herdanza de Bienvenida Méndez Pereira:
a) Bens e dereitos:
-Tesouraría:
Cartos en efectivo: 1.938,05 euros.
Total de bens e dereitos: 1.938,05 euros.
b) Obrigas e débedas:
-Servizos de profesionais independentes:
Non constan: 0,00 euros.
Total líquido (bens e dereitos-obrigas e débedas): 1.938,05 euros.
Segundo.-Tendo en conta os bens hereditarios, o remanente líquido resultante e a falta de solicitudes de beneficiarios, aprobar o ingreso efectuado na Caixa Xeral do Tesouro da Comunidade Autónoma de Galicia da cantidade líquida remanente, que ascende a 1.938,05 euros, para a súa aplicación a establecementos de asistencia social ou institucións culturais, preferentemente radicados na derradeira residencia da causante, concello de Vigo, e, en todo caso, en territorio galego.
Terceiro.-Esta resolución pon fin á vía administrativa e contra dela poderase interpoñer: recurso potestativo de reposición no prazo dun mes, contado desde o día seguinte ao da súa notificación, perante este órgano administrativo de conformidade cos artigos 107, 109 e 116 da Lei 30/1992, de réxime xurídico das administracións públicas e do procedemento administrativo común; ou ben directamente recurso contencioso-administrativo no prazo de dous meses, contados a partir do día seguinte ao da súa notificación, perante a Sala do Contencioso-Administrativo do Tribunal Superior de Galicia, conforme o disposto nos artigos 46, 10 e 14 da Lei 29/1998, reguladora da xurisdición contencioso-administrativa, sen prexuízo de que o interesado considere exercer calquera outro recurso que considere oportuno.
Santiago de Compostela, 26 de xullo de 2010.
P.D. (Orde 27-4-2009)
Rosa Mª Pedrosa Pedrosa
Secretaria xeral e do Patrimonio da Consellería
de Facenda