O Concello de Narón solicita a aprobación definitiva da modificación puntual referida en virtude do artigo 85.5º da Lei 9/2002, do 30 de decembro, de ordenación urbanística e protección do medio rural de Galicia (LOUG).
I. Antecedentes.
1. Narón dispón vixente dun Plan Xeral de Ordenación Municipal (PXOM) aprobado definitivamente polo Concello Pleno o 22-4-2002, ao abeiro da Lei 1/1997, do 24 de marzo, do solo de Galicia.
2. A Dirección Xeral de Desenvolvemento Sostible da Consellería de Medio Ambiente e Desenvolvemento Sostible decidiu o 15-6-2007 non someter a proposta ao procedemento de avaliación ambiental estratéxica.
3. A Dirección Xeral de Urbanismo emitiu o 13-3-2006 e o 16-3-2007 informes previos á aprobación inicial do proxecto conforme o artigo 85.1º da LOUG, con observacións.
4. A modificación foi aprobada inicialmente polo Concello Pleno o 26-6-2008; e sometida a información pública polo prazo de dous meses (Diario Oficial de Galicia do 21 de xullo, Diario de Ferrol do 23 de xullo e La Voz de Galicia do 23 de xullo de 2008). Foron presentadas dúas alegacións.
5. No expediente constan os seguintes informes:
a) A Xunta de Goberno da Deputación Provincial da Coruña, do 9-10-2008, favorable.
b) A Dirección Xeral de Obras Públicas da Xunta de Galicia, do 8-5-2007, desfavorable; e do 19-2-2008 e 1-9-2008, favorables.
c) A Subdirección Xeral de Xestión do Dominio Público Hidráulico de Augas de Galicia, do 5-12-2008.
d) A Dirección Xeral de Patrimonio Cultural do 28-12-2006 e 9-6-2008, desfavorables; 30-7-2008, favorable con condicións; e do 30-7-2008, favorable.
e) A Subdirección Xeral de Planificación Enerxética do Ministerio de Industria, Comercio e Turismo do 30-1-2007.
f) A Xerencia de Xestión do Patrimonio de FEVE, do 5-8-2008, favorable.
g) O informe técnico e xurídico (artigo 85.4º da Lei 9/2002), do 13-4-2009, favorable.
6. O proxecto foi aprobado provisionalmente polo Pleno municipal do 30-4-2009.
7. A modificación foi obxecto da orde desta consellería do 22 de setembro de 2009, pola que se aprobaron certas determinacións e quedaron en suspenso as restantes.
8. Un novo proxecto de modificación, redactado en cumprimentación das puntualizacións formuladas na orde da Consellería de Medio Ambiente, Territorio e Infraestruturas do 22 de setembro de 2009, está subscrito pola arquitecta Carolina Cajide Barbeito; e achega:
a) Informe da Dirección Xeral de Patrimonio Cultural do 29-3-2010, favorable.
b) Informe da Dirección Xeral de Infraestruturas do 3-5-2010, favorable.
c) Informe da Xunta de Goberno da Deputación Provincial da Coruña do 27-5-2010, favorable.
II. Obxecto da modificación.
A modificación ten por obxecto adaptar o PXOM á mellora do trazado e sección da estrada provincial DP-5401, entre a estrada autonómica AC-862 (estrada de Castela) e a estrada autonómica AC-566.
III. Análise e consideracións.
Logo de analizar a documentación remitida polo Concello de Narón en relación coa orde desta consellería do 22 de setembro de 2009, e vista a proposta literal que nesta mesma data eleva a Secretaría Xeral de Ordenación do Territorio e Urbanismo, púidose observar que o novo proxecto de modificación dá cumprimento ao sinalado no punto II.1.3 da Orde do 22 de setembro de 2009.
A competencia para resolver sobre a aprobación definitiva das modificacións do planeamento xeral lle corresponde ao conselleiro de Medio Ambiente, Territorio e Infraestruturas, de conformidade co disposto nos artigos 89 e 93.4º da LOUG, e no artigo 1 do Decreto 316/2009, do 4 de xuño, polo que se establece a estrutura orgánica da Consellería de Medio Ambiente, Territorio e Infraestruturas.
IV. Resolución.
Visto canto antecede,
RESOLVO:
Primeiro.-Outorgar a aprobación definitiva á modificación puntual do Plan Xeral de Ordenación Municipal do Concello de Narón relativa á modificación e ampliación do viario entre Xuvia e Castro (DP-54041).
Segundo.-Notifíquese esta orde ao concello e publíquese no Diario Oficial de Galicia.
Terceiro.-Contra esta orde cabe interpoñer recurso contencioso-administrativa ante a sala correspondente do Tribunal Superior de Xustiza de Galicia, no prazo de dous meses, que se contarán desde o día seguinte ao da súa notificación, segundo dispoñen os artigos 10 e 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 2 de agosto do 2010.
Agustín Hernández Fernández de Rojas
Conselleiro de Medio Ambiente, Territorio
e Infraestruturas