A Lei 3/1985, do 12 de abril, de patrimonio da Comunidade Autónoma de Galicia, permite a cesión de bens mobles da comunidade autónoma sempre que se dediquen a fins de utilidade pública ou interese social, e o Decreto 50/1989, polo que se aproba o regulamento da citada Lei 3/1985 exixe que a orde de cesión exprese a finalidade concreta a que a entidade beneficiaria debe destinar os bens, así como as súas condicións.
Por outra banda, a Lei 6/2009, do 11 de decembro, de modificación da Lei 11/2008, do 3 de decembro, de pesca de Galicia, define as confrarías de pescadores de Galicia como corporacións de dereito público, sen ánimo de lucro, dotadas con personalidade xurídica e capacidade de obrar para o cumprimento dos seus fins, actuando como órganos de consulta e colaboración da Administración da Comunidade Autónoma de Galicia en materias relativas á actividade extractiva e á ordenación do sector pesqueiro, e dispón que se rexerán pola súa lexislación específica.
O 30 de maio de 2007 (DOG nº 118, do 20 de xuño) a Consellería de Pesca e Asuntos Marítimos (actualmente Consellería do Mar) acordou a cesión en uso da seguinte embarcación, propiedade da Xunta de Galicia, á Confraría de Pescadores San Julián da Illa de Arousa.
Nome da embarcación: Illa de Tambo.
Ano de construcción: 1991/1992.
Modelo: Anduriña Dos nº 3.
Motor: Suzuki I/B.
Dimensións: manga 02,00 eslora 05,30 puntal 0.77.
T.R.B.: 01,99.
Folio: 5-92.
Lista: 8.
Matrícula: Vilagarcía de Arousa.
Ano de inscrición: 1992.
O 18 de abril de 2008 e con autorización da Capitanía Marítima de Vilagarcía de Arousa á referida embarcación desligóuselle o motor foraborda Suzuki modelo DT225TCLM número 22501/131203 de 225 CV colocándose na substitución o motor foraborda Yamaha modelo F115AETL número 68V0309145 de 115 CV.
O 3 de maio de 2010 a Confraría de Pescadores San Julián da Illa de Arousa solicitou a cesión en propiedade da referida embarcación alegando a falta de funcionamento dos motores.
Sendo que a referida confraría destina a embarcación Illa de Tambo para fins de utilidade pública e de interese social, de xeito especial, á realización de vixilancia no ámbito territorial determinado polos respectivos estatutos e á colaboración en asuntos de salvamento marítimo e loita contra a contaminación, cómpre cederlle en propiedade a embarcación Illa de Tambo, adscrita a esta consellería, para ser destinada aos fins sinalados.
Por outro lado, dado que carece de fins lucrativos, considérase axeitado provela da dita embarcación para o fortalecemento da súa estrutura.
En consecuencia, de conformidade co previsto no artigo 27, números 15º e 29º do Estatuto de autonomía de Galicia e en uso das facultades que me confire a Lei 9/2007, do 13 de xuño, de subvencións de Galicia, e en uso das competencias que me confire a Lei 1/1983, do 22 de febreiro, de normas reguladoras da Xunta e da súa Presidencia,
DISPOÑO:
Artigo 1º
Acórdase a cesión en propiedade á Confraría de Pescadores San Julián da Illa de Arousa (Pontevedra) da seguinte embarcación:
Nome da embarcación: Illa de Tambo.
Ano de construcción: 1991/1992.
Modelo: Anduriña Dos nº 3.
Motor: Yamaha F115 AETL número 68V0309145.
Dimensións: manga 02,00, eslora 05,30, puntal 0,77.
T.R.B.: 01,99.
Folio: 2/2007.
Lista: 5.
Matrícula: Vilagarcía de Arousa.
Ano de inscrición: 1997.
Artigo 2º
A cesión sinalada no artigo anterior queda sometida ás seguintes cláusulas:
a) De conformidade co establecido polos artigos 35 bis, da Lei 3/1985, do patrimonio da Comunidade Autónoma de Galicia, e 96 bis, do Decreto 50/1989, polo que se aproba o seu regulamento, o ben cedido destinarase pola confraría cesionaria a fins de utilidade pública ou de interese social, de xeito especial, á realización de vixilancia no ámbito territorial determinado polos respectivos estatutos e á colaboración en asuntos de salvamento marítimo e loita contra a contaminación.
b) Coa cesión outórgaselle á Confraría de Pescadores San Julián da Illa de Arousa (Pontevedra) a propiedade do ben moble cedido.
c) Se o ben cedido non se aplica ao fin sinalado, se se descoida ou utiliza con grave menoscabo ou se incumpren as condicións do acordo, considerarase resolta a cesión e o ben reverterá á Comunidade Autónoma de Galicia, que terá dereito a percibir, logo da taxación pericial, o valor de detrimento ou deteriorización que experimentase.
Artigo 3º
A dita cesión formalizarase mediante acta subscrita polo secretario xeral desta consellería ou funcionario en quen delegue, debendo constar nela o acordo de cesión e a aceptación do cesionario.
Disposicións derradeiras
Primeira.-Facúltase o secretario xeral da Consellería do Mar para ditar as instrucións precisas para a execución do disposto nesta orde.
Segunda.-Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela 13 de xullo de 2010.
Rosa Mª Quintana Carballo
Conselleira do Mar
