Xuízo: xuízo verbal 640/2009.

Parte demandante: Consuelo Mareque Rilo.

Parte demandada: Manuel Mareque Morao.

No xuízo citado ditouse a sentenza que no seu encabezamento e parte dispositiva é a seguinte:

«Xulgado de Primeira Instancia número catro de Santiago de Compostela.

Sentenza: 78/2010.

Xuízo verbal número 640/2009.

En Santiago de Compostela o 19 de abril de 2010.

Sentenza.

Vistos por min, Ana Belén López Otero, maxistrada-xuíza do Xulgado de Primeira Instancia número catro de Santiago de Compostela, estes autos de xuízo verbal tramitados co número 640/2009, en que interviñeron como demandante Consuelo Mareque Rilo, representada pola procuradora dos tribunais sra. Sánchez Silva e asistida polo letrado sr. Ferreiro Casal, e como demandado Manuel Mareque Morao, en situación de rebeldía procesual, en virtude das seguintes consideracións:

DISPOÑO:

Estimar a demanda interposta por Consuelo Mareque Rilo e, en consecuencia, declárase o dominio que a esta lle corresponde, ao tela adquirido por prescrición adquisitiva extraordinaria, sobre o predio número 13 do plano xeral de concentración parcelaria, de natureza rústica destinada a monte, no sitio da Castellana, concello de Boqueixón, que estrema: norte, con Doleres Mouriño García; sur, Manuel Rilo Fernández; leste, camiño construído polo Servizo Nacional de Concentración Parcelaria e Ordenación Rural; e oeste, Jesús Torres Espiño. Ten unha superficie de 18 áreas e vinte e unha centiáreas, así como respecto ao predio número 45 do plano xeral de concentración parcelaria, de natureza rústica dedicada a monte, no sitio do Quinto, concello de Boqueixón, que estrema: norte, con José Rey Carballo e Manuel Mareque Rilo; sur, camiño construído polo Servizo Nacional de Concentración Parcelaria e Ordenación Rural; leste, Manuel Mareque Ferreiro e Antonia Pérez Dopazo e outros; e oeste, José

Mareque Moreno. Ten unha superficie de 11 áreas e 50 centiáreas, e unha vez que sexa firme esta resolución deberán expedirse os oficios procedentes ao Rexistro da Propiedade para a práctica das oportunas inscricións, todo isto con expresa imposición de custas á parte demandada.

Notifíquese esta resolución ás partes e fágaselles saber que contra ela cabe interpoñer recurso de apelación, que se deberá preparar ante este xulgado, dentro dos cinco días seguintes ao da súa notificación para a súa posterior resolución pola audiencia provincial, logo do depósito da suma de 50 euros.

Así o acordo, mando e asino».

En virtude do acordado nos autos de referencia, de conformidade co disposto nos artigos 156.4º e 164 da Lei 1/2000, de axuizamento civil, por este edicto notifícase a sentenza ao demandado Manuel Mareque Morao.

Santiago de Compostela, vinte e nove de abril de dous mil dez.

Nuria Barconez Agustín

Secretaria xudicial