O Decreto 36/2010, do 11 de marzo, regula o procedemento para o nomeamento do persoal emérito no ámbito sanitario, coa finalidade de recoñecer o prestixio e a importancia profesional do persoal licenciado sanitario xubilado, mantendo ao mesmo tempo unha relación temporal activa coa institución sanitaria de referencia, realizando funcións de consultoría, asesoría e formación, aproveitando desta forma a experiencia e os coñecementos adquiridos para a mellora da sanidade pública.

A disposición adicional única do Decreto 36/2010 establece que por orde da titular da Consellería de Sanidade se establecerá o número máximo de nomeamentos de persoal emérito que se poderá efectuar anualmente e, así mesmo, o importe máximo que se poderá destinar para as gratificacións deste persoal.

De acordo co anterior, e no uso das competencias e atribucións que me confire o artigo 34 da Lei 1/1983, do 22 de febreiro reguladora da Xunta e da súa Presidencia,

Dispoño:

O nomeamento de persoal emérito que se pode realizar anualmente será como máximo de seis (6) persoas, e o orzamento destinado ás gratificacións para este persoal non poderá superar os 108.000 euros totais anuais.

Santiago de Compostela, 27 de xullo de 2010.

María del Pilar Farjas Abadía

Conselleira de Sanidade

b) NOMEAMENTOS CONSELLERÍA DE SANIDADE