Por orde da Consellería do Medio Rural, do 5 de febreiro de 2009 (corrección de erros DOG nº 34, do 18 de febreiro), aprobouse o Regulamento da indicación xeográfica protexida Castaña de Galicia e do seu Consello Regulador e nomeouse o Consello Regulador Provisional.
En reunión do Pleno do Consello Regulador do 21 de xuño de 2010, aceptouse a renuncia, por motivos persoais, de Juan José Estévez Fernández como vogal dese Consello Regulador, así como a súa substitución por Domingo Fidalgo Gutiérrez.
Na súa virtude, por proposta do Pleno do Consello Regulador, tendo en conta as consideracións expostas e o disposto no artigo 4 do Decreto 4/2007, do 18 de xaneiro, polo que se regulan as denominacións xeográficas de calidade do sector alimentario e os seus consellos reguladores,
DISPOÑO:
Artigo único.-Modifícase o artigo 2 da Orde do 5 de febreiro de 2009, da Consellería do Medio Rural, pola que se aproba o Regulamento da indicación xeográfica protexida Castaña de Galicia e do seu Consello Regulador e se nomea o Consello Regulador provisional, que queda redactado da seguinte maneira:
«Artigo 2º.-Nomeamento do Consello Regulador Provisional.
Noméase, por proposta do sector, o Consello Regulador da indicación xeográfica protexida Castaña de Galicia, con carácter provisorio ata que teñan lugar eleccións na forma determinada pola normativa vixente.
Queda formado polos membros seguintes:
Presidente: Jesús Quintá García.
Vogais polo sector produtor:
-Guillermo Lago Pérez.
-Domingo Fidalgo Gutiérrez.
-María Páez Pérez.
-Alberto Vázquez Rodríguez.
-Xosé Manuel Guerra Nieves.
-Mónica Vázquez Blanco.
Vogais polo sector de operadores-comercializadores e almacenistas en fresco:
-José Domingo Gómez Fidalgo.
-Francisco Barredo González.
-Juan Pedro Fernández López.
Vogais polo sector industrial de industrias de procesamento:
-Maite González Estévez.
-Miguel Ángel Areán González.
-José Domingo Posada González».
Disposición derradeira
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 19 de xullo de 2010.
Samuel Jesús Juárez Casado
Conselleiro do Medio Rural