O Pleno do Tribunal Constitucional, por auto do 30 de xuño actual, no recurso de inconstitucionalidade número 1065-2010, promovido polo avogado do Estado, en representación do presidente do Goberno, acordou: 1. Manter a suspensión do inciso «logo de autorización dos órganos competentes da Comunidade Autónoma de Galicia de acordo coa normativa vixente» do artigo 15 c) do Decreto lexislativo 1/2005, do 10 de marzo, polo que se aproba o texto refundido das leis 7/1985, do 17 de xullo, e 4/1996, do 31 de maio, de caixas de aforros de Galicia, na redacción dada a este polo artigo 2.tres da Lei 10/2009, do 30 de decembro; do inciso «entre os membros da propia asemblea xeral» do artigo 31 a) do Decreto lexislativo 1/2005, na redacción dada a este polo artigo 2.dez da Lei 10/2009, e do derradeiro parágrafo do artigo 35.3º do Decreto lexislativo 1/2005, na redacción dada a este polo artigo 2.trece da Lei 10/2009, do 30 de decembro. 2. Levantar a suspensión dos números cinco, sete, once e

quince do artigo 2; dos números catro e cinco do artigo 3 e da disposición transitoria primeira, todos eles da Lei 10/2009, do 30 de decembro, de modificación do Decreto lexislativo 1/2005, do 10 de marzo, polo que se aproba o texto refundido das leis 7/1985, do 17 de xullo, e 4/1996, do 31 de maio, de caixas de aforros de Galicia.

Madrid, trinta de xuño de dous mil dez. A Secretaria de Xustiza do Pleno. Herminia Palencia Guerra.

Miguel Ángel Montañés Pardo

Secretario xeral en funcións