1. Entidade subvencionadora.
1.1. Organismo: Concello de Ourense.
1.2. Dependencia en que se tramita o expediente: Servizo de Rehabilitación, Vivenda Pública e PERI.
1.3. Número de expediente: 847/2010.
2. Obxecto da subvención.
2.1. Descrición do obxecto: concesión de axudas para a rehabilitación de vivendas e/ou edificios dentro da área de rehabilitación do conxunto histórico-artístico de Ourense e do núcleo etnográfico de Seixalbo con base nos convenios de colaboración subscritos entre o Ministerio de Vivenda, a Consellería de Medio Ambiente, Territorio e Infraestruturas e o Concello de Ourense.
3. Presentación das solicitudes de axudas.
3.1. Prazo de presentación das solicitudes as solicitudes de axuda poderanse presentar desde a publicación no DOG ata o 31 de decembro de 2011.
3.2. Documentación que hai que presentar: a que se sinala no artigo 17 das bases.
3.3. Lugar de presentación: no Rexistro Xeral do Concello de Ourense, sito na praza Maior, 1 (sábados hábiles na rúa Victoria Kent, 1), das 9.00 ás 13.00 horas. tamén se poderán presentar a través dos procedementos previstos no artigo 38.4º da Lei 30/1992.
3.4. Localidade: Ourense.
4. Beneficios das axudas.
4.1. Poderán solicitar estas axudas:
Os propietarios e usufrutuarios de vivendas ou edificios destinados a vivendas, así como os arrendatarios (con contrato de aluguer visado pola delegación provincial da consellería e con depósito de fianza) ou titulares dalgún dereito de uso sobre eles que teñan autorización da propiedade para acometer as obras, sempre e cando a vivenda constitúa domicilio habitual.
Os propietarios ou titulares dalgún dereito de uso sobre os edificios cando se trate de axudas á rehabilitación de elementos comúns dos edificios.
Os titulares de vivendas desocupadas sempre e cando se comprometan a ocupalas eles mesmos, a transmitirlas ou cedelas en arrendamento ou de calquera outro xeito legalmente admisible como residencia habitual e permanente, no prazo máximo de 6 meses desde a finalización das obras. Neste caso a concesión da axuda quedará condicionada á efectiva ocupación das vivendas no dito prazo, que poderá ser prorrogado ata un año, por solicitude do interesado, cando medie causa xustificada.
Os edificios ou vivendas que obteñan a subvención non poderán venderse ata pasados cinco anos desde o remate das obras (artigo 54 do Real decreto 801/2005, do 1 de xullo, e artigo 53 do Decreto 18/2006, do 26 de xaneiro).
Non poderán obter a condición de beneficiario as persoas que incorran nos supostos do artigo 10 da Lei 9/2007, do 13 de xuño, de subvencións de galicia.
Terán as obrigas sinaladas nos artigos 11 e 12 da lei 9/2007, do 13 de xuño, de subvencións de Galicia.
Infórmase aos beneficiarios da existencia do Rexistro Público de Subvencións.
A solicitude de axudas significa a aceptación destas bases.
5. Criterios.
5.1. As axudas outorgaranse de acordo cos seguintes criterios:
a) Obras rematadas con anterioridade á publicación destas bases, e xa inspeccionadas por técnicos municipais que no obtiveron axuda por ter esgotados os créditos dispoñibles previstos en anteriores convocatorias.
b) Antigüidade da solicitude.
6. Obtención da documentación e información.
6.1. Entidade: Servizo de Rehabilitación, Vivenda Pública e PERI.
6.2. Enderezo: rúa Primavera, nº 1.
6.3. Localidade e código postal: Ourense, 32005.
6.4. Teléfono: 988 36 62 35.
6.5. Correo electrónico: ofperi@ourense.es
6.6. Web: www.ourense.es
7. Outras informacións.
7.1. As bases destas axudas están na páxina web do Concello de Ourense (www.ourense.es), na epígrafe perfil de contratante-Anuncios de contratación.
7.2. Máis información: Servizo de Rehabilitación, Vivenda Pública e PERI.
Ourense, 17 de xuño de 2010.
Andrés García Mata
Tenente de alcalde