Visto o expediente para o outorgamento de autorización administrativa e a aprobación do proxecto de execución da instalación eléctrica que a seguir se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: modificado L.M.T.S., C.T. e R.B.T. Ariño.

Situación: concello de Valdoviño.

Características técnicas: liña eléctrica de media tensión subterránea (L.M.T.S.) a 20 kV, de 350 m de lonxitude, en condutor R.H.Z.1 de 240 mm2 Al, con orixe no apoio que se instalará na L.M.T.A. existente entre o centro de transformación (C.T.) Marnela-Praia e o C.T. Barreiro, e final no C.T. compacto de manobra exterior de 250 kVA.

Redes de baixa tensión (R.B.T.) a 400-230V, unha de 365 e outra 1.150 m de lonxitude, en condutor X.Z.1 e R.Z. Concello de Valdoviño.

Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, este departamento territorial resolve:

Autorizar e aprobar o proxecto de execución da devandita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.

Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.

A instalación executarase nun prazo non superior a un ano, contado a partir da data desta resolución.

Contra esta resolución poderase interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.

A Coruña, 3 de xuño de 2010.

Tristana Moraleja Gómez

Xefa territorial da Coruña