En sesión que tivo lugar o día 14 de xuño de 2010, o tribunal nomeado pola Orde do 7 de setembro de 2009 (DOG nº 79, do 11 de setembro), para cualificar o proceso selectivo para o ingreso no corpo administrativo da Xunta de Galicia (subgrupo C1), escala técnica auxiliar de informática, acordou:

Primeiro.-Publicar como anexo a esta resolución a relación de aspirantes que superaron o proceso selectivo, por orde de puntuacións obtidas e con indicación do seu documento nacional de identidade.

De conformidade co establecido na base IV.2 da convocatoria, os aspirantes dispoñen dun prazo de vinte días naturais, contados a partir do día seguinte ao da publicación no Diario Oficial de Galicia da relación de aprobados, para presentar a documentación prevista nas letras a), b), c) e d) da citada base e, de ser o caso, a indicada na base IV.4 da convocatoria.

Segundo.-Elevar a dita relación ao titular da Dirección Xeral da Función Pública para que elabore a proposta de nomeamento como funcionarios de carreira.

Contra esta resolución os interesados poderán interpoñer recurso de alzada ante a Conselleira de Facenda, no prazo dun mes a contar desde o día seguinte ao da publicación desta resolución no Diario Oficial de Galicia, de acordo cos artigos 114 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 14 de xuño de 2010.

Luis Fernando Núñez Alonso

Presidente do tribunal

Ver referencia pdf "12900D005P034.PDF"