A Xunta de Goberno aprobou inicialmente, en sesión de data 8 de xuño de 2010, o Plan especial de mellora do núcleo de Cimadevila, redactado polo arquitecto Fernando Faya Martínez, coa finalidade de reaxustar parcialmente a aliñación dunha vía municipal no lugar de Cimadevila (San Miguel de Sarandón), e de conformidade co disposto nos artigos 72.2º, 87.5º e 86.2º da Lei 9/2002, do 30 de decembro, de ordenación urbanística e protección do medio rural de Galicia, sométese o expediente a información pública durante o prazo de vinte días contados desde a publicación deste anuncio no DOG.

Durante o mencionado prazo, o expediente tramitado poderá ser examinado por calquera interesado nas dependencias municipais, para que se formulen, de ser o caso, as alegacións que se consideren pertinentes.

Quedan suspendidas as licenzas no ámbito obxecto do estudo de detalle ata a súa aprobación definitiva.

Vedra, 11 de xuño de 2010.

Odón C. Cobas García

Alcalde