De conformidade co disposto no artigo 59.5º da Lei 30/1992, do 26 de novembro de réxime xurídico das administracións públicas e do procedemento administrativo común (LRXPAC), e dado que non foi posible practicar a notificación,

DISPOÑO:

1. Notificar mediante esta cédula a Arturo Francisco Mira Soto o acordo do Xurado de Expropiación de Galicia de 21 de xaneiro de 2010, que fixa o prezo xusto do predio 604, sito en Oza dos Ríos, relativo ao proxecto 00078, expediente 2006/001218, cuxos datos se relacionan no anexo.

2. Contra estas resolucións, que esgotan a vía administrativa, as persoas interesadas poderán interpoñer recurso potestativo de reposición, ante o mesmo órgano que as ditou, no prazo dun mes contado desde o día seguinte ao da súa notificación, de acordo co previsto nos artigos 116 e 117 da LRXPAC. As persoas interesadas poderán tamén interpoñer directamente o recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da súa notificación de conformidade cos artigos 10.1.i), 14.1 e 46 da Lei 29/1988, do 13 de xullo, reguladora da xurisdición contencioso-administrativa. A interposición do recurso potestativo de reposición impide a interposición simultánea do recurso contencioso-administrativo, que non se poderá interpoñer ata que sexa resolto o recurso de reposición ou se entenda presuntamente desestimado. O texto íntegro do acordo referenciado nesta cédula está á

disposición do interesado nas dependencias do Xurado de Expropiación de Galicia, con enderezo no edificio administrativo de San Lázaro, s/n de Santiago de Compostela, 15703.

3. En consecuencia, para que conste e lle sirva de notificación á persoa expropiada, expido, asino e selo esta cédula.

Santiago de Compostela, 27 de maio de 2010.

Manuel González Sarria

Presidente do Xurado de Expropiación de Galicia

ANEXO

Proxecto para o que se expropia: 00078-CP-3203-2 Ampliación e mellora do trazado CP-3203 de Burricios a Pena Martín do p.k. 6,375 ao p.k. 12,750. Clave 0511100007.0. Tm Oza.

Nº expediente: 2006/001218.

Persoa que se vai notificar: Arturo Francisco Mira Soto.

Expropiante: Deputación Provincial de A Coruña.

Expropiado: Arturo Francisco Mira Soto.

Beneficiario: Deputación Provincial de A Coruña.

Predio nº: 604.

Municipio: Oza dos Ríos.

Provincia: A Coruña.

Valoración resolución do xurado: 1.099,35 €.