Visto o expediente para outorgamento de autorización administrativa e aprobación do proxecto de execución das instalacións eléctricas que a seguir se describen:
Solicitante: Concello de Vimianzo.
Domicilio social: praza do Concello, 6, 15129 Vimianzo.
Denominación: C.T. e L.M.T.S. para EDAR en Vimianzo.
Situación: concello de Vimianzo.
Características técnicas: liña de media tensión subterranea a 20 kV, de 425 m de lonxitude, en condutor R.H.Z.1. OL 12/20 kV 3*(1×95) mm2 Al, con orixe en paso aero-soterrado do novo apoio que se instalará entre os apoios nº 7 e 9 da L.M.T. Casais-Pasarela (expediente 51500) da empresa distribuidora Electra del Gayoso, S.L., e final no centro de transformación soterrado de 160 kVA de potencia, destinado a dar subministración a estación depuradora de augas residuais de Vimianzo.
Cumpridos os trámites ordenados na Lei 54/1997, do 27 de novembro, do sector eléctrico e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, este departamento territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguranza establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.
Contra esta resolución poderase interpoñer recurso de alzada ante o conselleiro de Economía e Industria no prazo dun mes contado a partir de día seguinte ao da notificación desta resolución; tamén se poderá interpoñer calquera outro recurso que se considere pertinente.
A Coruña, 29 de xuño de 2010.
Tristana Moraleja Gómez
Xefa territorial da Coruña