Para os efectos do disposto no artigo 138, da Lei 30/2007, do 30 de outubro, de contratos do sector público, faise pública a adxudicación do seguinte expediente de contratación:

Contratación da póliza de seguros privados que cubra os riscos patrimoniais, persoais e de responsabilidade civil derivada da circulación dos vehículos de motor que compoñen a flota da Administración da Xunta de Galicia.

1. Entidade adxudicadora.

a) Organismo: Consellería de Facenda-Secretaría Xeral e do Patrimonio.

b) Dependencia que tramita o expediente: Subdirección Xeral do Patrimonio.

c) Publicación do anuncio de licitación no Diario Oficial de Galicia: DOG nº 72, do 19 de abril de 2010.

2. Obxecto do contrato.

a) Descrición do obxecto: o obxecto do contrato é a contratación pola Consellería de Facenda, do contrato de seguro privado que cubra os riscos patrimoniais, persoais e de responsabilidade civil derivada da circulación dos vehículos de motor que compoñen a flota da Administración xeral da Xunta de Galicia.

b) Lugar de realización do servizo: locais das empresas adxudicatarias.

c) Prazo de execución: a duración do contrato será dous anos, desde as 00.00 horas do día 1 de xullo de 2010 ata as 24.00 horas do día 30 de xuño de 2012.

O contrato poderase prorrogar, por mutuo acordo das partes, antes de que remate o prazo de vixencia deste por un máximo de dous anos.

3. Tramitación e procedemento.

a) Tramitación: ordinaria.

b) Procedemento: aberto.

4. Orzamento base de licitación.

O orzamento de licitación ascende a 2.400.000 euros coa seguinte desagregación:

Exercicio 2010: 600.000 euros.

Exercicio 2011: 1.200.000 euros.

Exercicio 2012: 600.000 euros.

5. Adxudicación:

Bilbao Cía Anónima de Seguros y Reaseguros.

NIF: A48001648.

Importe de adxudicación:

Prima anual: 1.120.330 euros.

Importe de adxudicación para os dous anos: 2.240.660 euros.

Santiago de Compostela, 17 de xuño de 2010.

Rosa Mª Pedrosa Pedrosa

Secretaria xeral e do Patrimonio da Consellería

de Facenda