O Pleno do Concello, en sesión ordinaria do 18 de xuño de 2010, adoptou, entre outros, o seguinte acordo:

Primeiro.- Aprobar inicialmente a modificación puntual do Plan parcial do parque empresarial do Pereiro de Aguiar (Ourense), tramitada por instancia de Xestur Ourense, S.A., representada por Argimiro Marnotes Fernández en calidade de xerente, segundo a documentación técnica, redactada e asinada polos arquitectos Basilio Rodríguez Lois e Severo Fernández Castro, colexiados nº 2.734 e 2.726 do COAG respectivamente.

Segundo.- Someter o expediente ao trámite de información pública polo prazo de un mes, de acordo co previsto no artigo 86.1º a) da Lei 9/2002, do 30 de decembro, de ordenación urbanística e protección do medio rural de Galicia, modificada pola Lei 15/2004 e pola Lei 2/2010, mediante anuncio que se publicará no Diario Oficial de Galicia e en dous diarios de maior circulación da provincia, con notificación a Xestur Ourense, S.A..

Durante este prazo, o expediente poderá ser examinado por calquera interesado no servizo de urbanismo en horario de oficina, e formular as alegacións e suxestións que considere procedentes, computándose o momento inicial do prazo de alegacións, desde o día seguinte ao da publicación do primeiro anuncio e ata o transcurso do prazo dun mes computado desde a última das publicacións referidas.

O que se fai público para xeral coñecemento e para os efectos legais procedentes.

O Pereiro de Aguiar, 21 de xuño de 2010.

Eliseo Fernández Gómez

Alcalde