Intentada a notificación persoal e devolta polo servizo de correos por resultar imposible a súa práctica, de conformidade co disposto nos artigos 59.5º e 61 da Lei 30/1992, do 26 de novembro, modificada pola Lei 4/1999, por esta cédula notifícaselle á empresa relacionada no anexo a resolución recaída no expediente sancionador en materia de seguridade e saúde laboral.

Faise saber que a dita resolución pon fin á vía administrativa e o interesado pode formular contra ela recurso contencioso-administrativo, no prazo de dous meses contados desde a súa publicación ante o órgano xudicial que resulta competente por aplicación, e de conformidade co establecido na Lei 29/1998, do 13 de xullo, reguladora da xurisdición contencioso-administrativa.

Advírteselle que terá que aboar a multa imposta mediante a necesaria utilización do impreso que poderá solicitar no correspondente departamento territorial da Consellería de Traballo e Benestar, no número de conta, na entidade bancaria e no prazo que nel se sinala, dentro do prazo de pagamento do período voluntario, xa que, noutro caso, se incoará o procedemento pola vía de constrinximento.

Santiago de Compostela, 14 de xuño de 2010.

Odilo Martiñá Rodríguez

Director xeral de Relacións Laborais

ANEXO

Empresa: Construcciones Carreira Martínez, S.L.

Enderezo: rúa Eslovaquia, parcela 15, polígono industrial Costa Vella. 15890 Santiago Compostela (A Coruña).

Nº expediente: 2008/0032-1.

Acta de infracción: 170026/2007/1/H.

Data resolución Dirección Xeral: 27 de abril de 2010.

Preceptos infrinxidos: artigos 4.2º d) e 19 da Lei do Estatuto dos traballadores no seu texto refundido aprobado polo Real decreto lexislativo 1/1995, do 24 de marzo; artigos 14.1º, 15.1º a), 17.1º e 17.2º da Lei de prevención de riscos laborais; Lei 31/1995, do 8 de novembro, na redacción dada pola Lei 54/2003, do 12 de decembro, de reforma do marco normativo da prevención de riscos laborais; artigos 10 d), 11.1º c) e punto 3 a) e 3 b) da parte C do anexo IV do Real decreto 1627/1997, do 24 de outubro, polo que se establecen as disposicións mínimas de seguridade e saúde nas obras de construción, en conexión co previsto no artigo 3 e punto 3.1.2.2 do anexo II do Real decreto 1407/1992, do 20 de novembro; artigos 3 b), c) e d) e anexo III, punto 9 do Real decreto 773/1997, do 30 de maio, sobre equipamentos de protección individual; artigo 3, letras a), b) e d) e anexo III, punto 1, parágrafo primeiro, do Real decreto 773/1997, do 30 de maio, sobre disposicións mínimas de seguridade e

saúde relativas á utilización polos traballadores de equipamentos de protección individual.

Preceptos sancionadores: artigo 12.16º f) do Real decreto lexislativo 5/2000, do 4 de agosto, polo que se aproba o texto refundido da Lei sobre infraccións e sancións na orde social.

Sanción imposta: 5.300 euros.